Lengkah Majuna Pariwisata Purwakarta Ngalewatan Aplikasi “SiPinter Berisi”
Purwakarta - Warta Sunda Onliné,
K
|
amajuan
dina teknologi informasi dirasakeun beuki dieu, beuki ngaronjat. Pikeun etalase, penguasaan teknologi informasi
di hiji daérah nepika bisa ngapresentasikeun kamajuan kabupatén atawa kota.
Dina hal ieu mah, yén Kabupatén
Purwakarta tarékah jeung patéahna ku cara inovasi dina ngamangpaatkeun
teknologi informasi pikeun layanan ka masarakat. Ku nyuguhkeun mangrupa
aplikasi website pon kitu deui
aplikasi berbasis android.
Kitu nu di tepikeun dina
biantarana Bupati Purwakarta, Hj. Anne Ratna Mustika dina agenda sosialisasi
jeung lounching aplikasi Sistem Informasi Pariwisata Terintegrasi
(Sipinter Berisi), pokna Bupati Purwakarta, Rebo, (9/10).
“Keur ngalengkepan layanan ka masarakat
tina widang pariwisata. Poé ieu, pamaréntahan Kabupatén Purwakarta ngaliwatan
Bidang Pariwisata dan Kebudayaan Disporaparbud ngayakeun terobosan inovasi. Lounching aplikasi ieu téh
mibanda benefit pikeun kamajuan
masarakat tina widang pariwisata,” pokna.
Nurutkeun anjeunna, dipiharep
aplikasi ieu téh luyu sareng fungsina dina ngalayanan ka para wisatawan jeung
layanan pamaréntah ku cara ngolah usaha pariwisata dihijikeun kana aplikasi
berbasis website nu dikoneksikeun kana media informasi jeung
promosi pariwisata.
Ku mekarna pariwisata Kabupatén
Purwakarta, ayeuna beuki dieu, beuki ngaronjat. Ngaronjat tina jumlah jeung
jenis destinasi wisata, tangtu kudu tetep nyaimbangan sinergitas antara
pamaréntah daérah jeung para pelaku usaha pariwisata.
“Sim kuring ngarasa reueus ku
rojongan jeung inovasi nu dilakukeun ku Bidang Pariwisata dan Kebudayaan
Disporaparbud," pokna.
Harepan bupati, mugia aplikasi
ieu téh tiasa mangpaat pikeun warga masarakat Kabupatén Purwakarta, para
wisatawan sarta pamaréntah daérah pikeun bahan upaya mapping urusan
kepariwisataan.
“Engkena, bisa nangtukeun
langkah kawijakan anu hadé dina hal ngamekarkeun pariwisata Kabupaten
Purwakarta,” pokna Anne.
Dina kasempetan éta ogé,
Kadisporaparbud Kabupaten Purwakarta, Agus Hasan Saefudin, negeskeun. Pihakna
ngahaja nyieun aplikasi éta téh, pikeun ngagampangkeun masarakat. Utamana mah,
keur aranjeuna nu ngabutuhkeun informasi ngeunaan kepariwisataan di wilayah
gawéna.
“Sakabéh informasi ngeunaan
kepariwisataan di Purwakarta aya dina hiji média nu diaranan Sipinter Berisi,” pokna Agus.
Anjeunna ogé, ngajentrekeun,
yén média informasi kepariwisataan berbasis digital ieu téh disimpen di unggal
hotel jeung fasilitas umum nu lainna. Sajeroning kitu, kakarek opat unit nu
geus nyebar téh. Salahsahijina di Hotel Harper.
“Inyana mastikeun yén sakabéh
hotel jeung fasilitas publik nu jadi inceran téh tempat-tempat anu ramé rék
dipasang media informasi téa. Ari idelana mah, dipasang di 20 titik,” pokna.
Kadis ogé ngajelaskeun nu
saujratna, yén aya sababara menu pilihan pikeun layanan dina média informasi
éta. Contona ngeunaan informasi rumah makan has, café, tempat nongkrong jeung
lokasi wisata (alam, kuliner sarta religi) nu aya di Kabupatén Purwakarta.
Engkena, ceuk Agus. Média éta
téh bakal nampilkeun lokasi nu dipikahayang jeung nu dituju ku masarakat,
kajaba aya petunjuk arah jalan. Lian ti éta ogé, dina média informasi éta
masarakat bisa ningali data ngeunaan jumlah pengunjung wisatawan
dimasing-masing destinasi.
“Ku ayana layanan média
informasi éta, layanan kepariwisataan leuwih praktis,” pokna Kadisporaparbud
Kabupatén Purwakarta.
Lain halna ceuk Sekretaris
Disporaparbud, Heri Anwar, SH. Inyana ngararancang ieu téh tianggalna pikeun
ngagampangkeun warga masarakat hususna tempat-tempat mana waé nu jadi tempat
keur pangreureuhan para wisatawan. Malahan pihakna geus ngadata tina taun 2018
ahir téh, yén tempat-tempat destinasi anu dibina aya kana 81 tempat wisata.***
