Dina Ningkatkeun Perekonomian, Pemkab Purwakarta Nga-genjot Pangwangunan Jalur Lingkar Timur
“Melalui TMMD Kita Wujudkan Percepatan Pembangunan Untuk Kesejahteraan Rakyat”.
SALAHSAHIJI program Purwakarta Istimewa nu kiwari keur
diteruskeun ku kapamingpinan Hj. Anne Ratna Mustika, nyaéta ngeunaan pangwangunan
infrastruktur Jalan Lingkar Timur jeung Lingkar Barat.
Pangwangunan tina infrastruktur téh
mangrupa jalan lingkar timur jeung lingkar barat, kiwari terus-terusan
dilaksanakeun pikeun ngaronjatkeun paekonomian masarakat Purwakarta.
Pangwangunan di jalan lingkar barat
éta téh, ayeuna keur ngawangun sasak. Malahan dipiharep ayana sasak éta téh,
pikeun akses anu kacida pentingna. Lantaran kapayunna bisa dipaké keur patalimarga
antar kabupatén, kayaning keur ngaronjatna paekonomian masarakat sacara umum.
Kajaba ti éta, keur jalan lingkar
timur téh, ayeuna keur lumangsungna pangwangunan jalan diwilayah Kecamatan
Campaka. Pastina mah, di Désa Cisaat, pangwangunan ngalewatan program TNI
Manunggal Membangun Désa (TMMD) ka-106 nu témana “Melalui TMMD Kita Wujudkan Percepatan Pembangunan Untuk Kesejahteraan
Rakyat”.
Sedengkeun Jalan lingkar timur éta
téh, ngahubungkeun ti mimiti Kecamatan Kiarapedes, Cibatu, Campaka, Bungursari
sarta Kecamatan Babakancikao. Kajaba terintegrasi ka jalan lingkar barat.
Sajeroning kitu, keur pangwangunan
jalan lingkar timur minangka program TMMD ieu téh, nu geus tiheula dibuka
langsung ku Wakil Bupati Purwakarta, H. Aming.
“Pihak Pemkab Purwakarta,
ngarojong pisan program TMMD pikeun nungtaskeun pangwangunan keur kapentingan
warga masarakat Kabupatén Purwakarta hususna,” kitu nu ditepikeun H. Aming.
Lian ti éta, saur anjeuna,
kalayan sinergitasna antara pamaréntah katut phak Kodim 0619 Purwakarta ieu,
dipiharep leuwih gancang dina ngalayanan ka warga masarakat bisa kahontal.
“Targetna dina percepatan
pelayanan ka masarakat,” pokna H. Aming. (Adv)
