Neundeun Batu Cikal Bangunan SDN 1 Malangnengah Pihak PT. WIKA Nargetkeun 6 Bulan Bérés
“Pangwangunan KCIC nu diembarkeun ku
pamaréntah pusat nu ngahubungkeun antara kareta api ti Jakarta nepi ka Bandung,
tangtu aya pangaruhna keur SDN 1 Malangnengah. Lantaran malang di tengah-tengah
saperti halna di Désa Malangnengah Kacamatan Sukatani. Pihak pamaréntah pusat
nu ngawacanakeun ti taun 2017 nepika 2019 Ahir ieu téh, kakara aya kasapukan
diwangun.”
ANTO S
TI saprak aya béja Kereta Api Cepat ka Désa
Malangnengah sabaraha taun katukang, orang tua murid di SDN-SMPN Satap Terpadu
1 Malangnengah Désa Malangnengah Kecamatan Sukatani, Kabupatén Purwakarta geus
bayeungyang. Munasabah. Mun KIC jadi dijieun, sakola bakal kasabet proyek
nasional.
Pangwangunan
gedong SDN 1 Malangnengah, Kecamatan Sukatani, Kabupaten Purwakarta, diluas
tanah 4.000 m2 mimiti dikerjakeun, poé Juma’ah (29/11).
Lain ukur kitu, malah bangunan sakolana
bakal karuag keur proyek kereta api cepat nu salila ieu diembareun keur
kapentingan nagara. Asép Somantri (Ketua Bamusdés) ogé Kepala TK/SD – SMP
Negeri Satap Terpadu 1 Malangnengah ngawakilan ratusan warga di éta lembur. Inyana
sababaraha kali adu rényom jeung pihak stakéholdér
ahirna geus aya kasapukan yén bangunan sakolana rék dirélokasi ka tempat nu
lain. Asalkan tempat nu anyarna ngajaga kuantitas jeung kualitas bangunan alias
weweg tong saperti nu eunggeus-eungeus. Kitu kamelangna urang Malangnengah.
Peupeujeuhna husus ka pihak perusahaan kulantaran
sakola gawat darurat permasalahan sakola SD dibeulah kulon geus teu memungkinkeun
deui kajaba teu kondusifna Kegiatan Belajar Mengajar (KBM) alatan ayana alat
berat disabudeureun sakola ti hareup jeung ti tukangeun sakola, keur mah titik
kulminasina. Ku kituna miharep percepatan pangwangunan sakola nu anyar, entong
nepi ka ngabaikeun kana kuantitas jeung kualitas wewegna bangunan éta sakola.
Poma ayeuna nepi ka kejar tayang pangwangunan sakola.
Tina kasapukan antara PT. WIKA dina
ngawangun sakola yén tiap kelas diplot tenaga ahli pikeun ngebut ngawangun éta
sakola. Anapon kitu ceuk Asép Somantri, “di tingkat kecamatan mah sakolana
bakal pang anggrengna tur nu refresentatif diwangun ku pamaréntah.
Dina biantarana perwakilan Dinas
Pendidikan, Ikhwan Firdaus, S.T., Kasie
Pengadaan Aset Sekolah Dinas Pendidikan Kabupatén Purwakarta nyebutkeun yén TK/SD – SMP Negeri Satap
Terpadu 1 Malangnengah ngarupakeun hiji sakola nu malang ditengah-tengah dina
pangwangunan kereta api cepat nu ngahubungkeun antara Jakarta ka Bandung.
Dina hal ieu mah, tangtu perjuangan
pamaréntah daérah katut pamaréntah pusat nu cukup lumayan lila nyaéta ti mimiti
taun 2017 ka tukang tug dugika 2019 parantos kasapukan. Malah mandar
pangwangunana ayeuna diwangun diluas lahan hasil tina pembebasan tanah warga
8.000 métér persegi. Tapi ayeuna mah ngan 4.000 m2 diwangun kalayan
pengerjaanna ku pihak PT. WIKA nu ngalibetkeun 100 pagawé ahli kana
pangwangunanana.
Sedengkeung ceuk Novial Yudiakorna, Deputi
Projek Manager di PT. WIKA pihakna ngan saukur penanggung jawab
pembangunan wungkul. Adapun terkait anggaran, hanya PT. KCIC nu leuwih apal.
“Diperkirakan butuh waktu 6 bulan keur penggerjaan bangunan
sakola ieu. Nya kirang langkung aya 100 pagawé, pon kitu deui kalebet swadaya
masarakat, nepika ayeuna ti dinas can aya anggaran,” pokna Novial.
Lain halna ceuk perwakilan orang tua siswa, Ny. Uun (65)
warga Kp./Désa Malangnengah saprak narima ibar sakolana keuna imbas tina lintasan
proyek kereta cepat, nu penting barudak tong kaganggu ayana pangwangunan
relokasi sakola.
Ceuk
Ketua Komite TK/SD – SMP
Negeri Satap Terpadu 1 Malangnengah, Ading Suningrat, ka Galura ngabenerkeun yén pangwangunan sakola saluas 4.000 m2 hasil tina pembebasan sababara urang
warga nu kisaran harga tanahna kurang leuwih Rp. 3.000.000 per métér.
Malahan ayana isu yén warga nolak pangwanguna éta sakola,
kulantaran ti taun 2017 nu katukang can aya kapastian ti pihak PT.
KCIC tina pembebasan lahan. “Nya, wajar masarakat nolak pangwangunan. Tapi
nepika ahir 2019 ieu geus aya kasapukan ti pihak stakéholder bisa ngawujud,” pokna.
“Nu penting warga atikan tong nepika teu sarakola gara-gara
relokasi sakola nu heubeul ka sakola tempat anyar, sok sanajan ayeuna keur
diwangun kana 6 bulanna.” Pokna Ading.
Ading nambahkeun, “Hayu urang kawal saréréa tina pangwangunan
ieu sakola sangkan sakola weweg luyu sareng harepan urang saréréa.”
Pjs. Kepala Désa Malangnengah, Endang Sumarna, pihakna salaku
pribumi ngahaturkeun rewu-rewu nuhuna tina karancagéan jeung gawé barengna tina
peralihan sakola Sdka tempat nu keur diwangunna. Yén tempat didieu ieu téh
strategis, tur kapayuna sakola langkung mekar. Pon kitu deui jalan désa nu
sakitu buktina, engkéna jalan dioméan,”
Pihak Sakola Nitipkeun 56 Muridna
ka SMPN 3 Sukatani
Kepala TK/SD
– SMP Negeri Satap Terpadu 1 Malangnengah, Asép Somantri ngajelaskeun ka Galura sangkan KBM berjalan. Pihakna
nitipkeun 56 urang siswa-siswi SMPN Satap Terpadu di SMPN 3 Sukatani sangkan
barudakna jarongjong dialajar teu kaganggu ayana pangwanunan relokasi sakola.
“Mun teu dipernah-pernah, tangtu kaganggu
komo bulan Desember 2019 ieu, barudak moal bisa asup kana DAPODIK. Jadi
sagancangna barudak dititipkeun ka SMPN 3 Sukatani ngarah sagancangna asup kana
DAPODIK,” pokna.
Sedengkeun murid nu TK mah dialajar di
Balé Désa Malangnengah nu lokasi sakolana nukangan wangunan sakola nu heubeul.
“Ngan, siswa nu SD mah tina jumlah 167
urang, guru 11 urang, 13 ruang, ayeuna nungguan ngeusian relokasi bangunan
sakola nu anyar,” ceuk Asép.
H. Yayan Ruyani, ngabenerkeun nu
dicaritakeun ku Asép Somantri. Lantaran sim kuring nalika ngajabat di éta sakola,
yén kondisina jiga ungkara nu dilaluhur.
“Samalah sim kuring ngahaturkeun rewu-rewu
nuhun ka pihak nu trkait nu milu merjuangkeun sakola nu keuna imbas jalur
kereta api cepat jalur Jakarta – Bandung. Mugia para siswa-siswina nu ayeuna
nyanghareupan Ujian Smester Akhir dialajar sakumaha mistina,” pokna H. Yayan.***
0 Response to "Neundeun Batu Cikal Bangunan SDN 1 Malangnengah Pihak PT. WIKA Nargetkeun 6 Bulan Bérés"
Posting Komentar