Warta Pustaka Sunda : #NenetLalajoResitalTari_ISBI_AK Kintunan : Aos Kuswandi
Kintunan : Aos Kuswandi
PUSTAKA SUNDA – WARTA
SUNDA ONLINÉ,
|
K
|
utamandiri, Tanjungsari 13/07/2019. Meunang iber ti
tangéh kénéh ti Kang Ade Daryana yén
aya Resital/Ujian Akhir Mahasiwa calon Sarjana Seni di Institut Seni Budaya
Indonesia Bandung (ISBI). Nyaanan bungah pisan meunang ieu béja. Sugan jeung
sugan wé bisa ngahadiran dina waktuna. Nu jadi pasualan, apanan deuk nganteur
sabondoroyot ka Yogya jeung sabudeureunna, éta nganteur daftar ulang si Jalu
deuk nyukcruk élmu di Paguron Luhur. Nya sakalian ulin ngablu. Pelesir nu
deudeukeutan meungpeung boga waktu cuti.
Apektéh
mulang poé Rebo. Alhamdulillah, jadi boga waktu pikeun istirahat di Imah. Poe
Kemis meunang iber ti koléga yén kudu datang ka UNIKOM poé Jumaah, aya
badamikeuneun pikeun acara Asosiasi di Jember bulan Agustus. Atuh mobok manggih
gorowong, jadi bisa ngahadiran pangulem ti kang Ade.
Bérés acara di UNIKOM Ba'da shalat
jumaahan langsung wéh ngabrét ka ISBI. Alhamdulillah bisa lalajo kamonesan tari
karya mahasiswa jurusan seni tari.
Pas asup ka Gedong Sunan Ambu réngsé
shalat ashar. Rada elat, éta kudu muka heula laptop, Aya Imel nu kudu dibuka
jeung kudu dibales bari ngirin file nu aya di laptop. Atuh asup ka gedong
kabeurangan. Panti geus deuk ditutup. Tapi Alhamdulillah masih tiasa asup ku
panata calaga disumanggakeun, pédah kabagéan korsi nu di tukang. Ah teu nanaon
nu penting mah bisa lalajo tari.
Mendeko, serieus lalajo. Nu mimiti
mah tari keur nyambut tatami, alah ngaran tarina poho. Tapi ieu tari
mangrupakeun tari anu alon, andalemi tur Endah. Saur nu biantara mAh
disebatkeun yén Tari éta Aya diwewengkkn Rancaekek kabaheulanakeun.
Dualas menit sajian tari Kahiji.
Lampu ngemoray deui. Nowél kang Ade Daryana, ngobrol sakeudeung ngeunaan tari
nu karek tampil. Teu patos lami katenger Aya ngalangkung kang Suhendi Afryanto anu
kaleresan ngahadiran . Ngobrol sakolepat, margi anjeuna nuju sibuk badé mayunan
akreditasi institusi.
Nyong Sora panata calaga, sajian
tari kadua diawitan . Nu ieu mah tari doger kontrak. Meni 'atraktif', Eendah. Ieu tari ngagambarkeun tari anu biasa dipintonkeun di perkebunan teh mangsa jajahan Walanda. Salajengna pintonan nu Katilu Tari Arayana, ngagambarkeun pamuda gagah nu seja makalangan. Dina sajian anu katilu mah pun uing diajak ka payun ku kang Ade nepangan Ibu Rektor ISBI. Alhamdulillah. Ngobrol uplek. Meni someah darehdeh. Mung hanjakal lalajo tari téh teu dugi ka wéngi, Margi pun uing aya hanca nu séjén.
Kitu kalakon lalajo di tari Dina
raraga Resital ISBI. Hatur nuhun ka pupuhu ISBI anu parantos ngangken pun uing.
Dinten Saptu oge Ahad , 13-14 Juli
ieu masih aya resital keneh. Sumangga ka wargi sadaya anu seja ngaluuhan. Cag.***
