BREAKING NEWS : Lahan Kosong H. Ahmad Dilalap Si Jago Merah

Lahan Kosong H. Ahmad

Dilalap Si Jago Merah 

SUKATANI – Warta Sunda Onliné,

P

oé tadi Juma’ah, (12/7/2019) maju rék jumaahan, jam 10.45 WIB lahan kosong milik H. Ahmad (Pelita Surya), di Kampung Cilalawi RT.08/RW.03 Désa Cianting Utara Kecamatan Sukatani lahanna kahuruan.

"Bener aya kahuruan di lahan kosong, nalika datang ka lokasi,”pookna Tatang Rachmat Kasubag TU UPTD Poswil 1 Plered Damkar Purwakarta.

Tatang ngajelaskeun ka Warta Sunda Onliné, kuayana laporan ihwal kahuruan ngaliwatan via selullerna, pihakna sigap mawa pasukan katut mobil Pemadam Kebakaran (Damkar) Poswil 1 Plered ka Tempat Kejadian Perkara (TKP). Nilik tina laporan salahsaurang warga Kampung Cilalawi RT.0/03 Desa Cianting Utara Kecamatan Sukatani, Kabupaten Purwakarta. Kahuruan éta, pasualana akibat nu miceun kuntung roko sangeunahna. Nu ngabalukarkeun sahektar lahan kosong dilalap si jago merah.

Ditempat lokasi, Anto (47) warga di éta wewengkon ngeceskeun kajadian kahuruan, “Sim kuring mulang ti Purwakarta rék kaimah, teu nyangka seueneu nu tadina hurungna leutik téh, ngabebela jadi gedé. Antukna jukut-jukut nu gararing téh kalentab seuneu, nu ahirna lakan kosong nu legana kirang langkung sahektar téh, lahanna kahuruan.”

“Ningali seuneu nu ngabebela éta, sim kuring laporan ka UPTD Poswil 1 Plered Damkar Purwakarta. Lantaran dihawatirkeun seuneu éta mapay ka unggal imah warga,” kitu ceuk Anto.

Lain halna ceuk Oyoh (43) nu langsung laporan ka UPTD Poswil 1 Plered Damkar Purwakarta. Bari jeung hawatir kulantaran imahna hampir karerab seuneu nu ngabebela. Inyana reugreug ku pelayanan Damkar Purwakarta nu hususna UPTD Poswil 1 Plered. Langsung sigap narima laporan ti warga. Ku kitun, inyana ngahaturkeun rewu-rewu nuhun ka pihak UPTD Poswil 1 Plered Damkar Purwakarta nu parantos mareuman kahuruan diwewengkonna.***

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: