WARTA TI BEKASI - MULUDAN DI Perum Bumi Rahayu RT.05/RW.01

Habib Ahmad Husin Al Athos

Ngabejerbeaskeun Ihwal Muludan ka Warga Perum Bumi Rahayu RT.05/RW.01

Bekasi – Warta Sunda Onliné

LIMA Januari munggaran dina taun Dua rebu salapan belas, poéan malem Ahad keur warga tur barudak santri di wewengkon Perum Bumi Rahayu RT.05/RW.01 Kelurahan Padurénan Kecamatan Mustikajaya Kota Bekasi Jawa Barat. Muludan, miéling poé jeung bulan wetonan Nabi Muhammad SAW, geus jadi tradisi budaya di lemah cai.

Kukituna di wewengkon éta, sanajan sasih silih mulud tinggal sababaraha poé deui, tapi warga masarakat ngorbankeun tenaga jeung pikiran katut waragad pikeun ngalumangsungkeun kagitan muludan. Saperti halna Kulawedet Mesjid/Musola Al-Ishlah ngayakeun muludan ping 5 Januari 2019, poén malem Ahad.

Saméméhna dibuka acara muludan éta, aya sababaraha pintonan kamonésan ti barudak leutik nepika akil balig marintonkeun unjuk kabisa dipayuneun kolotna sewang-sewangan nyaéta nadoman tur maca solawatan nu ditungtun ku MC ogé ngabagéakeun santri Al-Ishlah.

Kalih ti éta, Qori ti wewengkon satempat ogé ngumandangkeun ayat-ayat suci Al-Qur’an.

Poma deui Ketua Panatacalagara Bapa Hasyim Ashari biantarana ngahaturkeun rewu-rewu nuhun ka para warga-wargi ti kulon-wétan, kalér-kidulna, nu caket jeung nu jauhna parantos nyumbangkeun sabagéan rejekina keur pangemut-ngemut kalahiran Jungjunan urang Nabi Muhammad SAW.

Runtuyan acara éta téh di pingpin ku MC nepika acara aman tur lancar kalayan kaberkahan ku Alloh SWT.

Dina puncak acara ajeungan ti wewengkon Habib Ahmad Husin Al Athos minangka ngabejerbeaskeun luyu jeung téma “Dengan Memperingati Maulid Nabi Muhammad SAW, Kita Teladani Ahlak Rosululloh Didalam Kehidupan Sehari-hari”.*** (Abdul)

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: