KANDAGA BASA BABASAN JEUNG PARIBASA SUNDA

Warta Sunda Onliné, saleresna nampi naskah-naskah ti Mas Gunawan Waluyo atanapi sandi asmana Ki Olot. Nilik tina ngorehan arsip, éstu seueur naskah anjeunna nu teu acan kapedal dina Warta Sunda. Saméméhna parantos dipedalkeun dina Media Citak Warta Sunda édisi-édisi katukang ti kawit anjeunna masih jumeneng. Sok pirajinan ngetrukeun élmu pangaweruhna nya ieu salah sahijina hasil karya anjeunna.
Ieu mah dina raraga pangemut hasil karya anjeuna. Mugia nu maos ieu online. sateu acanna urang ngucapkeun Hamdalah tur QS. Alfatihah sabalen, pikeun pang jurung du'a ka anjeuna nu tos tilar dunya.
Mugia amal ibadahna ditampi ku Alloh SWT. Amin.
Mangga, ka pamaos Warta Sunda Onlié.
Wilujeng ngambah élmu pangaweruh.
Cag.
Redaksi.

PIHATUR

Sampurasun.

K

alayan manjatkeun puja sinareng puji  ka Alloh Nu Maha Suci, Nu Maha Welas tur Asih, Maha Welas ka mahlukNa, Asih ka sa-eusining bumi, nu ngawasa alam sa jagat raya, teu kakantun salawat sinareng salam mugi digolontorkeun ka jungjunan Kangjeng Nabi Muhammad SAW rawuh kulawargana, para sohabat sareng umat-umatna anu saratia dugi ka yaomal ahir.

Dupi kasang tukang sim kuring ngarakit ieu buku, taya sanés tawis ngiring mideudeuh kana Budaya Sunda utamina dina Basa Sunda, margi seueur kénéh pisan nonoman Sunda anu apilain kana basa Sunda, ku jalaran kagembang ku basa deungeun, kumargi pohara kasosokna ku pangaruh basa lian, dugi ka teu kersa nyoréang kana Basana ku anjeun, nya tungtungna teu uninga kumaha wandana atanapi jenglenganana Basa Sunda sareng unak-anikna lian ti éta.

Kantenan moal aya jorojoy rasa nya’ah, resep sareng rasa deudeuh kana Basa Sunda, upami teu uninga pasipatanana sareng kaayaanana. Sim kuring sok emut kana dalil “Moal nyaah mun teu loma, moal bogoh mun teu wanoh”

Patali sareng anu kapihatur bieu, sim kuring ngahaja ngarakit ieu Buku Sunda, anu diwastaan Mustika Basa.

Moal boa eusina ieu buku téh seueur kakiranganana da puguh dirakit ku nu sanés ahlina, boh sanaos kitu mugi-mugi gumelarna ieu buku tiasa ngeuyeuban Buku Sunda anu parantos aya.

Dugi ka danget ieu nembe tiasa rengsé ngarakit ieu Buku, Insya Alloh anu sanésna badé teras dipajeng, mugi waé Alloh SWT maparin pituduh sareng kakiatan ka sim kuring kanggo ngagarap Buku Sunda anu sanésna.

Ku gumelarna ieu ieu Buku Sunda, sim kuring ngahaturkeun sewu nuhun laksa keti kabingahan ka pangersa Waikota Bandung Manten Bapa H.DADA ROSADA SH.Msi, rawuh rengrenganana anu parantos kersa ngadeudeul kana pamaksadan sim kuring, kitu ogé teu hilap kasanggakeun panuhun ka Bapa H. Tjetje Subrata SH.MM anu teu kirang-kirang maparin pangjejer dina waktos ngarakit ieu Buku Sunda, pon kitu deui kum teu diwiji-wiji ka sadayana anu parantos sami-sami ngarojong gumelarna ieu Buku Sunda, mugia Alloh Nu Maha Uninga ngalélérkeun rahmat kurnia sareng ngaijabah pamaksadan urang enggoning kumereb kapangkonan manten-Na. Amin.

Pamungkas sanggem tinangtos garapan sim kuring bakal aya kaireugtalingeuhannana, moal suda tina kalepatan sareng katunaan. Ku kituna mugi tawakup sareng kersa memeres ngalelempeng kangge kautamaan urang sadaya..

Rampes.  

                                                                      Panulis, 

                                                       MAS GUNAWAN WALUYO (ALM).

KANDAGA BASA 

BABASAN JEUNG PARIBASA SUNDA

KANDAGA KECAP

A

Ajrih                              = era bari sieun

Anapon                         = ari mungkuh

Anging                          = ngan

Asma                            = ngaran

Awahing                        = bakating

B

Baketul                         = goring semu

Baku                             = biasa

Balilu                            = bodo, euweuh kanyaho

Balukarna                      = akibatna

Baring supagi                = jaga, nu bakal datang 

Bebendon                      = siksaan, dibenduan

Binarung                       = dibarengan

Buniaga                        = ngumbara neangan kahirupan

Buta rata                       = poek mongkleng

C

Cacap                           = anggues, tamat

Campoleh                      = henteu tuhu, lalawora

Cangkingan                   = cecekelan, nu dianut

Caosan                         = disadiakeun pikeun

Cegahan                       = nu dilarang

Cidra                             = teu nyekel jangji

Citresna                        = kanyaah

Cua                              = ngewa

D

Dalah                            = sanajan kitu, parandene kitu

Dapon                           = asal bae

Dawuhan                       = timbalan, penggero

Diagem                         = dianut, dipercaya

Diajangkeun                  = dicadangkeun, diancokeun

Diceluk                                     = digeroan, diajak

Digeuhgeuykeun            = diseungseurikeun

Dilelerkeun                    = dibikeun, dibere

Dimansuh                      = dileungitkeun

Dipahing                        = dijauhan, dilarang

Dipuhit                          = dianut, dipercaya

Dipunjulkeun                  = dileuwihkeun

Dir                                = sombong, ieu aing

Ditangkes                      = ditanggung, dicekel sakabehna

Ditonggongan                = ditukangan

Diwuwuh                       = ditambah

Dumuk                          = cicing

E

Ebat                             = kagoda

F

-

G

Gajlig                            = teu nyumponan jangji

Gana-gana                    = wani-wani

Gasik                            = gancang

Geni                             = seuneu

Geseh                           = beda

Gimir                            = sieun

Giruk                            = sirik

H

Haat                             = mikanyaah, karunya

Halwat                          = nyeri bari muji ka Alloh

Hamham                       = asa-asa, kurang percaya

Hanaang                       = halabhab, haus

Hasud                           = boga karep nyilakakeun batur

Helok                            = aneh, aheng

Hojah                            = akal tarekah

I

Iradah                           = pangersa Allah

Itikaf                             = cicing di masigit bagi muji Alloh

J

Jaler istri                       = lalaki awewe

Jalir jangji                      = udar tina jangji

Jalu                              = lalaki

Janggelek                      = ngadadak ngawujud

Jentre                           = jelas

K

Kabandang                    = kabawa

Kalarung                       = kaliwat

Kalam                           = tulisan

Kalangsu                       = katalanjuran

Kalarung                       = kaliwat

Kalebuh                        = tilelep

Kalinglap                       = kasamaran

Kalintang                       = kacida

Katambias                     = nyasab

Kataraji                         = mikaresep

Katohyan                      = kanyahoan

Kasangling                    = kalinglap

Kokomoan                     = mangpang-meungpeung

Kongang                       = sanggup

Kumaki                         = ieu aing pangbisana

Kumelip                        = nu hirup, mahluk

L

Lanci-linci                      = teu nyekel jangji

Lara                              = gering, nyeri, sedih

Lat                                = kecap anteuran kana poho

Lawang kori                   = panto gerbang

Lingsig                          = awakna sehat tur lintun

Lintang                          = iwal, kajaba

Liwung                          = bingung

Lugina                           = senang hate

M

Malak                           = malaikat

Malar                            = supaya

Mangkara                      = matakna

Maphum                        = weruh, nyaho

Mateni                          = maehan

Maslahat                       = mangpaat

Mengpar                        = mengkol, nyimpang

Mergasa-mirusa             = nyilakakeun

Mokahaan                     = pengangguran

Mudarat                        = ngarugikeun

Muji tasbeh                   = ngucapkeun subhanalloh (Maha Suci Alloh)

N

Nalek                            = nanya tandes

Nambalang                    = nembalan bari ngawalan

Nanggel                        = ngajamin, nanggung

Napsi-napsi                   = masing-masing

Ngabaladah                   = ngamimitian

Ngabuih                        = ngomong teu eureun-eureun

Ngagugu                       = nurut

Ngalejokeun                  = ngusrukkeun, ngabobodo

Ngalieus                        = miceun beungeut

Ngamurba                     = ngawasa

Nganti-nganti                 = nunggu-nunggu

Ngarandapan                 = ngalaman

Ngarempak                    = ngalanggar

Ngemasi pati                 = maot

Ngertakeun                    = ngaraharjakeun

Nohonan                       = nedunan

Nurustunjung                 = pikasebeleun

Nyabda                         = ngadawuh, nyarita

Nyasami                       = nyaruaan

Nyidem                         = nyumputkeun

Nyundul                        = nyusul, ngomong deui

Nyupata                        = disapa

O

Onjoyna                        = leuwihna

P

Padu                             = pasea

Padungdengan               = parea-rea omong

Paheut subaya              = pageuh jangji

Papadon                       = amanat

Papakem                      = ageman, nu dianut

Pasalia                                     = beda

Pasek                           = teu bener imanna

Pasini                           = jangji

Picaturna                      = caritaanana, omonganana

Pingeusaneun                = pikeun

Poe bungsuna               = poe panungtungan kulantaran rek maot

Poma                            = omat, kade

Purwadaksi                   = asal, mimiti

Q

-

R

Riksa                            = urus

Rurujit                           = kokotor

S

Sabondoroyot                = sakulawarga

Sadarum                       = sarerea, sadaya

Saestuna                      = saenyana

Sakacumplang-              = ngomong sadaekna

campleng

Sakalih                                     = duaan

Samiuk                         = satuju kan goreng

Sapaat                          = berekah, karamat

Sareh                            = tengtrem, ayem

Seber                            = gimir, sieun, ketir

Seunggah                      = hoream, ngarasa beurat

Sidik                             = jelas, atra, jentre

Songong                       = ngomongna asa pangaingna

Subaya                         = jangji

Sugri                             = sakur

Suhud                           = junun

Suwung                         = kosong, beak

T

Tataan                          = sebutan

Tatag                            = ngomongna jelas

Temen                          = pisan, kacida

Tojaiah                          = patukang tonggong, papalingpang

Towaf                            = ngurilingan ka’bah

Towong                         = kosong, pegat

Tuhu                             = satia

Tujulna                          = nu ditujuna, maksudna

U

-

V

-

W

Wadul                           = bohong

Walurat                         = miskin, angala kurang

Wening                         = suci

Wera                            = ambek, bendu

Wiang-wiang                  = semu-semu robah warna

Wiati                             = langit

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: