Kumpulan Panineungan: Cecep Hermawan, S.Pd.

Kumpulan Panineungan: Cecep Hermawan, S.Pd.

LEMBUR SINGKUR

DI PAKIDULAN

K

uring lahir 14 April 1980, digedékeun téh éstu di pilemburan, nyatana di pakidulan Cianjur; nu perenahna di Kampung Sukasirna Desa Kalibaru Kacamatan Pagelaran Atuh kangaranan hirup di lembur, katambah harita mah (taun dalapan puluhan) utamana widang téhnologi inpormasi jeung hiburan, can meuweuh siga ayeuna, kahirupan téh éstu sarwa pilemburan baé. Kadaharan jeung inuman éstu ngagunakeun bahan jeung cara pilemburan, papakéan najan sabangsaning kaén, baju, calana jeung sajabana, geus didatangkeun ti kota, tapi lebah dipaké mah katémbong kénéh ciri lemburna téh. 

Nineung puguh gé, mun pareng nyoréang ka mangsa ka tukang nalika tata katut cara  kahirupan di pilemburan masih kénéh némbongkeun ciri lemburna. Harita mah imah-imah gé masih imah panggung. Tapi ayeuna, apan geus ampir patengah malah boa leuwih, imah-imah téh diwangunna make bata ditémbok, nu sakapeung mah teu merhatikeun kana kualitas kakuatanana, dapon jadi baé. Barudak, isuk-isuk ngabring ka sakola, balikna sagawéna sabisana-saresepna; nu kana ngala suluh, ngangon domba, embé, munding, ngarit; lolobana mah kétang nu ngadon ulin baé, tapi ulinna ogé ala pilemburan, kayaning ucing-ucingan, gatrik, sondah, galah, langlayangan, guyang bari kokodok di wahangan, jeung sajabana, rupa-rupa kagiatanana luyu jeung uusumanana. 

PAMEDAL

KKG-MGMP BASA SUNDA PURWAKARTA

LEMBUR SINGKUR

DI PAKIDULAN

Keur Si Ujang, Héris Hermawan

Muga hidep apal yén Aab téh hiji ruruntuk jawara … ngarit

LEMBUR SINGKUR

DI PAKIDULAN

Kumpulan Panineungan: Cecep Hermawan, S.Pd.

(Guru Basa Sunda SMAN 1 Purwakarta)

Pangjajap: AGUS MULYANA, S.Pd.

(Pupuhu MGMP Basa Sunda

Kabupaten Purwakarta)

LEMBUR SINGKUR DI PAKIDULAN

(Kumpulan Panineungan: Cecep Hermawan, S.Pd.)

Dipedalkeun ku MGMP Basa Sunda Purwakarta

Jln. Veteran No. 164 Telp. 0264-200202/085221557615 Purwakarta 41118

Pedalan kahiji: Juli 2011

Gambar jilid & Ilustrasi: www.google.co.id

Website.: www.mgmpbasasundapwk.wordpress.com

HAK CIPTA DITANGTAYUNGAN KU UNDANG-UNDANG

E U S I N A

PANGJAJAP                                                                                 Kaca

1. Nineung ......................................................................                     7

2. Ngala Suluh  ................................................................                   12

3. Ngingu Domba ...........................................................                     19

4. Ngarit ………..............................................................                    24

5. Ma Encum jeung Aki Pa’i     ……….............................                   32

6. Ucing-ucingan ……………........................................                      39

7. Si Déblo.………………………..................................                    48

8. Manggih Suung jeung Supa.………...........................                       55

9. Tunggu Huma ……………….....................................                     62

NGUMBAR PANINEUNGAN DINA

LEMBUR SINGKUR CECEP HERMAWAN

Pangjajap ti: Agus Mulyana, S.Pd.

(Pupuhu MGMP Basa Sunda Kabupaten Purwakarta)

Lembur Kuring

Yasana: RTA Sunarya

Na di mana lembur kuring

Di nu anggang pagunungan

Ngenes ngangres duh tibelat

Nya mamanahan

Matak waas jeung kagagas

Ari ras emut ka lembur

Andon suka jeung nalangsa

Tilas kuring suka betah

Dibali geusan ngajadi

Pulangkeun kuring pulangkeun

Pulangkeun ka bale pulang

Lemah cai dunungan geusan ngancik

Lembur matuh, naha atuh

Milih Bandung kota kembang

Bandung nu heurin ku tangtung

Sasakala Sangkuriang

Dilingkung ku gunung-gunung

Gunung Cupu Mandalaayu

Hayu sindang ka Sumedang

Ngan pacuan ngarangrangan

T

eu ngahaja mimitina mah. Uprak-oprék kana laptop bogana Cecep. Ari goréhél téh manggih catetan. Panasaran dibaca, singhoréng catetan panineungan. Beuki pogot maca téh, asa maca buku Lembur Kuring beunang Syarip Amin. Antukna timbul rasa reueus ku kapunjulan hiji guru jaman ayeuna (anu teu weléh riweuh dina nyeuseuh niléy jeung ngayak murid) anu sakitu tapis tur parigel ngulinkeun kecap nepi ka ngajanggélék jadi kalimah nu euyeub ku galura rasa kelar pipikiran, sawangan, lamunan, jeung panineungan nyoréang alam mangsa ka tukang.

Dihenteu-henteu ogé, Cecep téh kungsi leutik heula, kungsi ngalaman jadi budak bolon (duka olol léhona mah), inyana kungsi  ngalaman rupa-rupa hal anu bisa jadi keur mangsa harita mah euweuh anéhna, euweuh éndahna.

Lembur Singkur di Pakidulan dina diri Cecep Hermawan lir sagara jeung lambakna. Ti mimiti nyaritakeun kaulinan, ingon-ingon, kadaharan, nepi ka jalma-jalma nu kungsi méré panineungan dina kahirupanana. Éta panineungan éstu némbrés dina ungkara kalimah anu écés dina ngagambarkeun kaayaan lembur pakidulan Cianjur alam harita.

Titénan dina bubuka ieu panineungan, ceuk Cecep:

Kuring mah lahir jeung digedékeun téh éstu di pilemburan, nyatana di pakidulan Cianjur; nu perenahna di Kampung Sukasirna Desa Kalibaru Kacamatan Pagelaran. Atuh kangaranan hirup di lembur, katambah harita mah (taun  dalapan puluhan) utamana widang téhnologi inpormasi jeung hiburan, can meuweuh siga ayeuna, kahirupan téh éstu sarwa pilemburan baé.

Sanggeus disarungsum, dibebenah sautak-saeutik, ieu catetan ngajanggélék jadi buku, kalayan harepan nambahan pabukon kasundaan, anu kiwari geus langka medal buku samodél kieu.

Nyanggakeun, wilujeng ngumbar panineungan ka nu kantos ngalaman hirup di pilemburan, atanapi mung saukur nyawang yén hirup di lembur mah kitu kaayaanana.

Purwakarta, Juli 2011.          

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: