ORKES CAP SORGA DUNYA

ORKES CAP SORGA DUNYA

Keur Mang Dian jeung Cép Mugi

Deuleu ku pangdeuleu.... inya
Saitu banget meuleuneu
Keureut beungeut nampeu ceuleunyeu
Dipapas harigu neuhneur
Nyoara ngoncrang arula arileu
"Kamulah mahluk tuhan yang tercipta yang paling seksi" 
Ngagedurkeun salaksa dahana
Nu tan wates sangen ngajorang lengobing batin... bét geugeut euy!
Inya ngajulaeu... leuh, handeueul cadu!!
Bedul téh...!!

Orat pagulung jeung sahwat
Nafsu ka berung ku rayu
Tamada!! Har, kapan laku lampahna....
Daék medu! Teu paduli!

Tétéla....!!
Rasa dunya ukur seret genggerong bari kawates ku kaseglong
Deuleu dunya ukur seret kongkolak panon, awatos ku teu katénjo
Denge dunya ukur seret rebingna ceuli, kawates ku teu kawaro
Nafsu gé diwates! Ukur seret uwar awér... uwr awur...
Puguh da rasa, deuleu jeung dengé sia mah ukur pupulasan... wadul jeung nipu!

Geuning : "Nafsu nu matak kaduhung badan anu katempuhan" cenah di aleu-aleu

Sing seukeut deuleu euy! Sing imeut!
Ulah negrak teu katémbong
Moncorong ngaharib goong
Meletét badis kulanter
Baleg... baleg...!!
Teu baleg... teu baleg...

Bray..bray...bray...
Sing caang!!
Sing teleb. sing anteb!!
Keukeuweuk sing pageuh
Ka gedong sigrong molongpong

Garokgek, Maret '08

Lalajo Tuluy Jorojoy
Den Is Kiara

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: