Muhamad Daffa Sidiq: Ti Juara Nulis & Maca Aksara Sunda Nepi ka Ngudag Impian Jadi Animator
Muhamad Daffa Sidiq: Ti Juara Nulis & Maca Aksara Sunda Nepi ka Ngudag Impian Jadi Animator
Tegalwaru - Grup Majalah Warta Sunda,-
Dina usum Festival Tunas Basa Ibu (FTBI) Jenjang SD Taun 2025, aya hiji ngaran anu jadi sorotan: Muhamad Daffa Sidiq. Siswa kelas 6 ti SDN 1 Batutumpang ieu hasilna Juara 2 Cabang Nulis & Maca Aksara Sunda Putra kalayan peunteun 564.
Lahir di Purwakarta tanggal 13 Désémber 2013, Daffa saprak kelas 3 ngalih ka SDN 1 Batutumpang, Kecamatan Tegalwaru, Kabupatén Purwakarta. Sanajan anyar, anjeunna langsung nunjukkeun prestasi akademikna ku sok meunang rengking kahiji. Nalika aya lomba FTBI anu ngangkat téma Purwakarta dina kontéks Sri Baduga, Daffa maju kalayan sumanget, jeung kamampuh maca intonasi anu saé ngajadikeun anjeunna meunang panghargaan pinunjul ka-dua.
Daffa téh putra panengah tina tilu sadulur. Anjeunna asalna ti kulawarga anu raket kana dunya atikan: Bapa Moch Solihin, saurang Pengawas SD, jeung Ibu Fitria Komara Dewi, guru di SMPN 1 Tegalwaru. Pangrojong ti kolot jeung dulurna ngajadikeun Daffa leuwih percaya diri, nepi ka berani ngudag impianana.
Sanajan ayeuna leuwih kasohor ku préstasina dina widang basa Sunda, tapi cita-cita Daffa rada béda: anjeunna hoyong janten animator. Nurutkeun anjeunna, dunya animasi téh jalan pikeun nyampurkeun kreativitas, seni, jeung carita anu bisa ngahibur ogé ngadidik jalma séjén.
Prestasi anu diraih ku Daffa teu saukur jadi kabanggaan sakola jeung kulawargana, tapi ogé bukti yén generasi ngora Purwakarta sanggup ngamekarkeun basa Sunda bari tetep mibanda visi ka hareup. Anjeunna jadi conto yén ngajaga warisan budaya teu ngalanglang cita-cita modern.
Daffa ngabuktikeun yén janten murangkalih Sunda téh bisa babarengan antara ngajaga budaya jeung ngudag impian global.
🗣️ Kesan ti Kolotna
Bapa Moch Solihin nyarios, “Prestasi Daffa téh buah tina kasabaran jeung latihan. Kami ngaharepkeun anjeunna henteu ukur pinter dina élmu, tapi ogé bisa ngajaga budaya Sunda.”
Sedengkeun Ibu Itria Komara Dewi nambihan, “Daffa téh rajin jeung kreatif. Anjeunna sok nyobian hal anyar, sarta henteu gancang nyerah. Prestasi ieu jadi bukti yén usaha téh moal ngadustaan hasil.”
🗣️ Kesan ti Guruna
Salah sahiji guru di SDN 1 Batutumpang, M. Hasyim Muarif nyebutkeun, “Daffa téh murid anu santun jeung sumanget. Anjeunna jadi conto pikeun réréncanganana, boh dina diajar boh dina sikap sapopoé. Tiap latihan geus maksimal. Dina mintonkeun unjuk kabisana di Festival Tunas Basa Ibu (FTBI) Jenjang SD Taun 2025 ”
✨ Pesen Sumanget pikeun Barudak Séjén
Ngaliwatan préstasi ieu, Daffa hayang nepikeun pesen pikeun rerencangan sakolana jeung murangkalih séjén di Purwakarta:
“Tong kantun sieun pikeun nyobian hal anyar. Ulah ngan ukur diajar pikeun meunang nilai, tapi diajar pikeun ngangkat poténsi diri. Ulah poho ogé ngajaga basa jeung budaya urang sorangan, sabab éta téh jati diri urang salaku urang Sunda.”
Dina kasempetan éta ogé, Kepala SDN 1 Batutumpang, H. Adé Solihin, S.Pd, M.Pd.I, yén "siswana (Daffa) téh ngingetkeun urang yén ngajaga budaya Sunda bisa sabari ngudag cita-cita modéren. Ku sumanget, disiplin, jeung pangrojong kulawarga, impian moal aya nu mustahil."
"Mugia pamaksadan cép Muhamad Daffa Sidiq tinekanan, kalayan berkah tur mawa komara keur Purwakarta, hususna Kecamatan Tegalwaru. Bral geus hontal Jang cita-cita anjeun...", saur Bapa Kasek.***
0 Response to "Muhamad Daffa Sidiq: Ti Juara Nulis & Maca Aksara Sunda Nepi ka Ngudag Impian Jadi Animator"
Posting Komentar