Ngamekarkeun Jiwa Enterpreneur Pelajar Purwakarta, Ngalewatan Budak Angon
Hj. Anne Ratna Mustika nalika biantara di Bale Nagri Purwakarta. Salasa (29/10).*
Purwakarta – Warta Sunda Onliné,
B
|
upati Purwakarta, Anne Ratna Mustika negeskeun yén ngawajibkeun pikeun pelajar mibanda ingon-ingon ternak
geus tianggalna leuwih payun dijalankeun di Purwakarta, samalah programna parantos
bergulir ti 2015.
Bupati nu nenehna Ambu
Anne ieu téh, ngeceskeun yén
program pelajar mibanda sasatoan
ternak lain sawatés keur ngalihkeun pelajar tina gadget, tapi ngarahkeun kana aspek ngawangun sumanget siswa utamana ngawangun kacintaan kana dunia peternakan kalebet ngawangun jiwa enterpreneur.
"Ku dipilihna domba, keur Purwakarta mah wisata kuliner sate maranggi jadi ikon tur bahan bakuna nu lolobana di urang
salahsahijina tina bahan dasar domba nu diternak ku para siswa," pokna Anne di Bale Nagri
Purwakarta. Salasa (29/10).
Salian éta, program ieu geus ayana MoU antara Dinas Pendidikan jeung Dinas Peternakan, ahirna para siswa nernak tur kenging niléy akademis ti pihak sakola utamana mah pikeun ngalola ingon-ingon.
Sok sanajan, program éta can sagemblengna bisa dirasakeun ku pelajar lainna, nilik tina katerbatasan anggaran, tapi program nu saperti kitu geus bisa efektif tur kahontal.
"Nurutkeun data yén aya 7 kecamatan, nu efektif dina ngingon sasatoan ku barudak pelajar, sok sanajan, katerbatasan urang dina masihan domba per urangna
saperti sawatara waktu katukang masihan sapasang domba jalu jeung bikangna,” pokna.
Program nu saperti kitu téh, Alhamdulillah
kalintang positifna, kulantaran para siswa
boga tanggung jawab anu gedé utama dina ngokolakeun ingon-ingon, malah kolotna ogé ngarojong.
"Sabada baralik sakola, barudak katingal
sarumanget dina éta kagiatan (ngangon domba), baralikna aranjeunna méré nyatu ingon-ingonna, malah ieu tos katingal hasilna sacara ekonomi, aranjeunna baroga tabungan, nu penting ayana peran kolotna nu milu mantuan jeung ngarojong, ieu téh salahsahiji niléy akademik," pokna.
Sedengkeun nurutkeun Kasi Perbibitan Dinas Peternakan dan
Perikanan Kabupatén
Purwakarta, Intan Riyani. Ngungkabkeun
yén siswa anu
pinilih éta rék ngajalanan seleksi anu cukup ketat, apanan tina seleksi
éta aya sababaraha siswa nu bisa ngajelaskeun cara beternak anu hadé kalebet ngarit jeung méré jukut anu pas pikeun ingon-ingon éta.
"Ku dibéréna
domba éta ka siswa pinilih dina taun 2015 nu katukang, jeung aya kana sataun katukang yén dievaluasi téh, minangka
dombana geus aranakan," pokna Intan di Kantor Dinas
Peternakan, Purwakarta.
Lobana kana 52 ekor domba éta nu katurunan domba Garut, nu dibérékeun ka 26 siswa tingkat SD bohna siswa SMP pinilih téh, di sajumlah kecamatan di Purwakarta. Ka 26 siswa éta, dibéré sapasang domba siap kawin nu kisaran umur dombana téh genep bulan. (*)
