FIKMIN BASA SUNNDA - Bune Upik
|
T
|
adi isuk-isuk, bari gégéroh Puspa ngadongéng (pamali keur
puasa mun disebut ngagosip mah, heu heu...). Nyaritakeun kamari basa méméh
indit ka tempat ngajurian, apan cenah dangdan heula di markas DMS (kabeneran
inyana Pimpro di dinya). Geus meunang dangdan, ana jol téh tatangga ngalalar,
teuing naon maksudna ujug pok, "Éh aya Si Budak Goréng..." bari
melong ditujukeun ka Puspa.
Puspa nu ngarasa geus lain budak deui (jeung
enyana, Mommy mah umur 24 téh baheula geus ngais budak), ngarasa tugenah.
"Heureuy boa, Nong," cekéng.
"Heureuy téh kudu puguh tempatna, Bu.
Ningali situasi. Ieu mah di payuneun nu seueur jalmi. Jeung naon maksudna
ngaheureuyan ku kalimah siga kitu? Kedah ka nu tos loma atuh ari bahasana kitu
mah. Ieu mah apan mung ukur wawuh biasa..." témbalna dareuda.
"Ngarasa manéhna kasép meureun,"
cekéng.
"Enya da masing tos puguh abdi goréng
patut gé asa teu kudu disebut kitu payuneun batur. Di dinya téh aya murid abdi,
aya relasi, aya staf. Sok teu ngarti ku jalan pamikiran jalma model kitu..."
cenah.
"Isshh kudu ngamaklum. Manéhna teu boga
attitude, teu apal kumaha carana kudu bersikap profesional, teu apal kudu
kumaha ngahargaan dirina sorangan..."
"Ngahargaan dirina sorangan kumaha, Bu?"
"Euh ieu mah... Kieu yeuh... Dia bersikap
begitu itu sama dengan dia sedang menjatuhkan harga dirinya sendiri. Dengan
tidak menghargai orang lain, itu sama artinya dia sedang menunjukkan kualitas
dirinya. Seperti apa, sebatas bagaimana. Apanan ari basa téh nunjukkeun bangsa.
Si Éta basana kitu, nunjukkeun saha dirina. Sampai sini ngacapruknya ibu, teteh
paham ya? "
"Ha ha iya... Maklum dia kan hanya tamatan
SD..."
"Sssttt jangan bawa-bawa sekolah formal.
Itu bukan ukuran. Loba jalma nu sakolana luhur tapi teu apal tata krama, teu
bisa tumpa-tumpa ngagunakeun basa. Tapi teu saeutik jalma nu teu sakola, apal
kudu kumaha sikep ngajénan batur jeung dirina...."
"Jadi intina, mun urang teu resep ningali
batur kitu ka urang, urang gé ulah kitu ka batur. Kitu nya Bu?"
"Cakep...".***
#Bune Upik
0 Response to "FIKMIN BASA SUNNDA - Bune Upik"
Posting Komentar