Fikmin # Aplikasi VPNnged # - Ku : Gaus Firdaus
Fikmin # Aplikasi VPNnged #
Ku : Gaus Firdaus
KEUR nu hayang
disebut pangarang tapi mumungkaleun samodél aing mah, asa ngeunah, ku ayana
aplikasi VPNnged téh. Mun rék ngarang, teu perelu ngeueung heula di hamdapeun
toren cai, atawa ngahuleng sapeuting jeput di jurueun enggon. Cukup download wé
ieu aplikasi, kana HP atawa PC. Siga kieu prak-prakanana.
Buka Alpikasi VPNnged,
bray! mangpirang pitur, tinggal ketik eusian atawa klik pilihan. Klik pitur:
“Name Writer,” eusian ngaran aing. Klik “Tyfe Prose,” aya tilu pilihan; Fikmin,
Short Stories jeung Novels. Aing milih, fikmin. Klik “Theme,” ku aing ditulis,
Lebaran. Klil “Language,” rébuang pilihan basa, aing klik milih basa Sunda.
Klik deui “Keywords,” aing ngetik; Kolek, kompresor, selop, bajidor, sangu,
sireum, simbut, koropak, iblis jeung bajing. Geus kitu mah tinggal klik wé
“Enter” teu kungsi nungguan sapanyeupahan ujug barabat wé. Tah siga kieu
karangan fikmin hasil aplikasi “Vangarang Pikmin Nu ngedul” téh.
Dibaca, “Naha
loba type? Oooh… pitur ‘Cileuh’ teu ka-klik, anjiiir…!”***
0 Response to "Fikmin # Aplikasi VPNnged # - Ku : Gaus Firdaus"
Posting Komentar