PROGRAM CSR PT. HINO - KADEUDEUHNA MASRAHKEUN ALAT PERMESINAN

Kadeudeuhna PT. HINO

dina Masrahkeun Program CSR ka STT Wastukancana

Presiden Direktur HMMI PT. HINO poto bareng Pihak Yayasan Bunga Bangsa STT Wastukancana Purwakarta

PROGRAM CSR – Warta Sunda Onliné,

J

arang-jarang perusahaan géde ngarasa tanggung jawab ka lingkungannana, boh lingkungan alamna atawa rahayat nu aya disabudeureunnana, béda deui nu dilakukeun ku PT. HINO, perusahaan géde ngabogaan rasa tanggung jawab ka lingkungannana, buktina perusahaan ieu ngabogaan Program Corporate Social Responsibility (CSR) nu hartina Tanggung Jawab Sosial Perusahaan ka Lingkungan, hususna ka lingkung pendidikan di paguron luhur.

Kukituna, pihak PT. HINO Motors Manufacturing Inonésia (HMMI) ieu geus ngalaksanakeun Program CSR na masrahkeun Alat Peraga Transmission, Spring, Injection Pump jeung komponén Kendaraan bermotor HINO ka Jurusan Teknik Mesin Sekolah Tinggi Teknologi Wastukancana Purwakarta, Rébo, (13/2-2019) di Jalan Cikopak Kecamatan Babakancikao, Kabupatén Purwakarta, Jawa Barat, Indonésia.

Bantuan éta téh, Ceuk Bagas, bidang Corporate External Affairs Division ngajelaskeun hasil tina karya putra-putri urang Purwakarta nu geus milu aub dina pangwangunan negeri buatan Indonésia. “Malahan PT. HINO, geus 35 taun milu marancahan dunya ekonomi keur karaharjaan bangsa Indonésia, hususna warga masarakat Purwakarta dina ngamangpaatkeun Sumber Daya Manusia (SDM) dina ngokolakeun pagawé nu ahli dina widangna masing-masing, pon kitu deui Sumber Daya Industri (SDI) nu aya,” pokna Bagas.

Lain hal na deui ceuk Presiden Direktur HMMI, Kazushi Ehara, nalika diwawancara ku Warta Sunda Onliné, inyana nyebutkeun yén masrahkeun bantuan ieu téh pikeun ngabantu di paguron luhur hususna keur para mahasiswa jurusan Teknik Mesin pikeun leuwih ngarti kana dunya permesinan, tur tiasa ngamekarkeun kaélmuanna.

“Produksi-produksi hasil HINO ieu téh, geus bisa diekspor ka salapan negara di dunia, ieu téh hasil karya para putra-putri Kabupatén Purwakarta,” pokna Kazushi Ehara nu didampingan ku gaidna narjamahkeun Bahasa Jepang ka Bahasa Indonésia.

Sedengkeun ceuk, Ketua Yayasan Bunga Bangsa STT Wastukancana Purwakarta, Mayjen TNI Purnawirawan, H. Aryono Moértama Dinata, pihakna ngarasa reueus ku ayana bantuan ti Program CSR PT. HINO, mugia alat-alatna tiasa dianggo sakumaha mistina ku mahasiswa.”

Ceuk Kornélis Jurnialis Elias, salahsaurang mahasiswa jurusan Teknik Mesin STT Wastukancana, dirina ngarasa bangga yén tempat kuliahanana nepika aya nu merhatikeun hususna ti PT. HINO dina masrahkeun alat-alat permesinan. “malihan, eur sim kuring sareng rerencangannana tiasa praktek ngagunakeun alata nu samodél kitu, pikeun leuwih apal kana dunya permesinan,” pokna.

Dina kasempetan éta ogé, wawakil ti Dinas Pendidikan Kabupatén Purwakarta, Drs. H. Kodar Solihat, M.Si, inyana miharep ka PT. HINO sangkan méré bantuan téh  ka pendidikan. Lantaran di Pendidikan téh ayana lembaga SD, SMP jeung PAUD. Kukituna miharep bisa kagilir kenging bantosan Program CSR ti PT. HINO.*** Anto Sukanto

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: