Sakur Pangunjung, Tong Asa-asa Asup ka Galeri Wayang

Sakur Pangunjung,

Tong Asa-asa Asup 

ka Galeri Wayang

Pemda-Warta Sunda Online,

K

abupatén Purwakarta mibanda sawatara tempat nu mernah pikeun didongdon ku anu resep kana seni budaya. Hiji diantarana, Museum Galeri Wayang, nu perenahna di Komplek antor Pemkab Purwakarta.

Ieu museum memang can pati kumplit. Najan kitu, musieum téh geus bisa ngagambareun beungharna lemah cai u seni budaya nu disebut wayang. Museumna ogé geus bisa ngalantarankeun pangaweruh nu nyungsina ngeunaan wayang.

Enya, apan di jerona réa koleksi wayang jeung nu aya patalina jeung wayang nu disimpen di ieu musieum. Antarana waé, ratusan wayang golek nu jinis jeung ukuranana béda-béda, kumplit jeung gamelanana.

Sajaba ti dieusian ku koleksi wayang golek, musieum téh dieusian ku koleksi séjén, nyaéta koleksi wayang kulit ti Jawa Tengah, topeng wayang, lukisan sarta lukisn kaca nu téma wayang. Sarwa wayang cindekna mah.

Indah Pratiwi (25), petugas musieum netelakeun ka Warta Sunda Online, (26/12), koleksi wayang nu aya di musieum téh jumlahna ngahontal ratusan. Koleksi nu pangréana, nyaétawayang golek. Husus koleksi wayang golek, lantaran lengep jeung gamelan sapuratina.

Nurutkeun mojang lulusan STKIP Cimahi 2016, ieu téh, salaku petugas teu gampang kitu waé nalika ditarima gawé di Musieum Galeri Wayang. Lantaran, “basa keur daftar téh nu ngalamar nepika ratusan urang, kari-kari sim kuring hiji diantarana katarima. Sedengkeun nu dibutuhkeun aya kana 50urang nu ditempatkeun di Musieum Diorama, Balé Indung jeung Musieum Galeri Wayang. Keur dirina sok digilir dua sif. Kaleresan ayeuna sif enjing nalika diwawancara,” pokna Indah.

Salaku petugas, inyana sok mindeng ditaros ku para pangunjung ti mimiti urusan ngajelaskeun jenis-jenis wayang, ngaran wayang nepika nyaritakeun prilaku/karakter éta wayang. Tapi kulantaran geus didik ku pihak Pariwisata Budaya, nya sasieur-sabeunyeureun élmu pengetahuan tiasa ngabagéakeun pra pangunjung. Pon kitu deui kungsi ngajelaskeun ku Bahasa Inggris, pedah wisatawan ti German naroskeun patula-patalina sosok golek Gatotkaca.

Sedengkeun jumlah pangunjung keur dirina ngamimitian tugas ti taun Januari 2017 di musieum galeri

wayang téh jumlahna aya kana kurang leuwih 1.500 pangunjung nepika ahir Desember 2018, malihan buku tamuna ogé geus tilu jilid.

Ku kituna, ieu musieum téh, kaasup kajojo. Éta hal nitenan diluhur ku seueurna pangunjung mana komo tina sapoéna pangunjung aya kana 500 urang nu gawengku ti Bogor, Jakarta, Bandung, Medan nepika ti mancanagara.

Pikeun pangunjung nu kakara ngadongdon ka Kabupatén Purwakarta mun nepika aya dilingkungan Pemda, inyana miharep sakur pangunjung, tong asa-asa asup ka galeri wayang, da haratis teu dipulut saperakna ogé.*** (Anto S)

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: