Sajak

NGADEG NA PAJAJARAN ANYAR

Kénging : Rustandi

Kasanggakeun kanggo Kang H DEDI MULYADI, SH.                  

Bupati Purwakarta manten dina raraga mapag milangkala Purwakarta

Geus jadi carita balaréa nalika  baheula Jaman na ngadeg Galuh Pakuan

Nu kamashur kaceluk kaawun-awun kawéntar kajanapria

Raja beurat beunghar sugih mukti sakti mandraguna

Soméah nyaah ka rahayat kakasih na para déwata

Siliwangi tempat na kaadilan

Bukti nu kaciri nyata nu aya

Ayeuna geus gumelar Raja Pajajaran anyar

Ngaheuyeuk dayeuh ngolah kota ku kanyaah

Ajeg panceg adil palamarta

Ampuh timpuh tur sabar  tara aral subaha

Dibarung ridho Hyang Murbawisésa

Galura kahéman mapag dina lawang lalampahan

Ngalampahkeun karancagéan

Wangsit Siliwangi karandapan

Kota nu Raharja tinekanan

Bral léngkahkeun patékadan

Prak budalkeun pangabisa

Rahayat sayaga badéga samakta

Sapangabisana

Keur Purwakarta Istiméwa

Purwakarta

Kaping 01 Agustus 2014

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: