Kadeudeuh Kang Emil Masrahkeun Beus Wisata keur 13 Kota/Kabupatén
Kadeudeuh Kang Emil
Masrahkeun Beus
Wisata keur 13 Kota/Kabupatén
Bandung-Warta Sunda Online,|
K
|
anyaah Gubernur Jawa
Barat, Ridwan Kamil méré bantuan pikeun wargana dina
sarana transportasi, ku mangrupa mobil bus pariwisata keur 27 kabutén/kota Jawa
Barat. Perhatian éta téh keur nambah daya tarik dina dunya wisata.
Program bus
wisata ngarupakeun duplikasi tina bus wisata di Kota Bandung nu dikenal ngaranna Bandros (Bandung Tour on Bus). Program nu saperti kitu téh, nalika Ridwan Kamil keur
jumeneng salaku Wali Kota Bandung.
“Keur mah di Kota Bandung, program Bandros téh
minangka primadona warga masarakat. Nya, program éta téh disaluyukeun ka
daérah-daérah di 27 kota/kabupatén. Tujuanna pikeun narik dunya wisata. Ngan ayeuna
mah kakara tahap ka-1 dibagikeunna nu jumlahna kaarék 13 daérah nu meunang
hibah bus wisata nu ngawengku diantarana Kota Cimahi, Kabupaten Sumedang, Garut, Kota
Cirebon, Kabupaten
Kuningan, Kota Depok, Kota Bekasi, Kota Sukabumi, Kabupaten Cianjur, Kabupaten
Purwakarta dan Kabupaten Tasikmalaya. Dina program 100 Hari ieu, Ridwan Kamil nganggeuskeun visi ngeunaan pariwisata. Provinsi ngahibahkeun bus wisata keur 13 daérah, ngeunaan ngaran beus wisatana mah mangga nyanggakeun ka daérahna
masing-masing saperti contona di Kota Cimahi ngaran beus wisatana Sakoci (Saba
Kota Cimahi), nu penting program
sim kuring keur jadi Walika Bandung bisa ditiru di kota/kabupatén," Pokna Kang Emil nu biasa disebat,
di Gedung Saté, Kota Bandung,
Saptu (22/12/2018).
Ku ngayakeun beus wisata éta téh sumber dana ti
dana CSR Bank BJB. Malah taun
hareup mah nu can kabagéan téh rék direngsekeun ka
daérah-daérah, ngarah teu sisisirikan,” pokna
Dina kasempeten éta ogé, Kepala Dishub Jabar
Dedi Taufik ngabenerkeun ku ayana
hibah bus wisata perkotaan ogé
sakabéh daérah. Saméméhna aya bantuan Bus Rapid
Transit jeung Bus Sakola.
Ditempat anu béda, Drs. H. Saépuddin, M.Si (Kepala Dinas Perhubungan Kabupatén Purwakarta) ngarasa reueus ku
dipasihan bantosan mobil beus wisata. Bantosan éta téh langsung dipasrahkeun ka
pihak DPC Organda Kabupatén Purwakarta.
“Janten, kudipasihana beus wisata éta, tangtos
tiasa ngabantos dina perwisataan di Purwakarta langkung ngaronjat deui.***
0 Response to "Kadeudeuh Kang Emil Masrahkeun Beus Wisata keur 13 Kota/Kabupatén"
Posting Komentar