PWI Purwakarta Rék Magelarkeun Saniskara Kagiatan Patula-Patalina "PERS"

Keterangan Poto : 

Perwakilan Pangurus PWI Perwakilan Purwakarta Cabang Jawa Barat. (9/2). Doc_Pribadi.*

Purwakarta - Warta Sunda Onliné,

Sanggeus ngahadiran Hari Pers Nasional di Banjarmasin Ibu Kota Kalimantan Selatan, PWI Perwakilan Purwakarta - Jawa Barat rék ngayakeun saniskara kagiatan nu aya patula-patalina ngeunaan PERS.

     Dina waktu deukeut ieu, PWI Perwakilan Purwakarta ngayakeun acara, hiji diantarana rék ngayakeun "Seminar Sehari" dina awal bulan Maret. Kitu ceuk Sekjen PWI Perwakilan Purwakarta, Sulkopli ka Warta Sunda Onliné, Rebo, (19/2) di Sekretariat PWI Perwakilan Purwakarta, Jalan Veteran No. 45 Kelurahan Ciseureuh Kabupatén Purwakarta.

     Acara seminar sapoé éta, wacanana ngabahas ngeunaan "HOAX". Dina hal ieu mah rék ngundang nara sumberna ti Dewan Pers, PWI Pusat/PWI Jabar jeung Pengusaha Media.

     "Mugia acara éta dina waktosns tiasa lumangsung kalayan lancar," pokna Sekjen PWI Purwakarta.

     Inyana ogé nambahkeun, pihakna ayeuna keur koordinasi jeung pihak-pihak terkait pikeun nangtukeun kasiapan penyaji jeung waktu tur tempat lumangsungna kagiatan. *** AS.

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: