Mimiti Juli 2020, di SMAN/SMKN Di Jawa Barat Haratis SPP
Keterangan Poto:
Kepala Disdik Jabar, Dewi Sartika
BANDUNG, wartasundaonline.com – bewara
nu matak pikabungaheun datang ti Dinas
Pendidikan (Disdik) Jawa Barat. Kepala Disdik Jabar, Dewi Sartika, mastikeun program pembebasan iuran bulanan atawa Sumbangan Pembinaan Pendidikan (SPP) keur SMAN jeung SMKN di Jawa Barat jadi dilaksanakeun.
“Pamaréntah Daérah Provinsi (Pemdaprov) Jawa Barat geus ngaalokasikeun anggaran gedéna Rp817 miliar tina APBD Jabar 2020 keur program éta. Persiapanna terus-terusan, liai ti Pergubna tos aya, ayeuna mah masih terus ngalkulasi kebutuhan real
di lapangan,” pokna
(11/02/2020).
Nurutkeun
Dewi, program bebas iuran
bulanan peserta didik SMA jeung
SMK Negeri éta engké dina
taun ajaran anyar
atawa bulan Juli
2020. “Dipilihna mimiti
bulan Juli 2020, pas taun ajaran anyar dina kalender pendidikan. Mimiti bulan Juli 2020, siswa SMAN jeung
SMKN di Jawa Barat teu
kedah deui mayar iuran bulanan,” negekeskeun Dewi.
Dewi
ngajelaskeun, anggaran nu gedéna Rp817 miliar éta keur kabutuhan sakabéh SMAN jeung SMKN di Jawa Barat salila 6 bulan, ti bulan Juli 2020 nepika Desember 2020. Taun 2021, anggaranna jigana
leuwih gedé deui, kulantara maju sataun, mimiti Januari 2021 nepika Desember 2021.*** Pri/jabariber.com
0 Response to "Mimiti Juli 2020, di SMAN/SMKN Di Jawa Barat Haratis SPP"
Posting Komentar