UPTD SDN Sakambang Resik, Matak Betah
|
S
|
akola nu dihandapeun suku Gunung Burangrang jeung diwatés
antara Désa Sakambang jeung Nagrog, minangka sakola nu resik dihieup ku
tatangkalan jeung sawah sabudeureun lembur, kajaba sakola buruan tukangna
deukeut jeung pajaratan (kuburan). Tapi keur guru nu ngatik jeung ngadidik
katut siswana na nu dialajar henteu matak keueung.
Sakola nu harita mah disebut
sakola induk téh, nepika kiwari kaayaanna tetep asri tur éndah can terkontaminasi ku kebul pabrik. Dina
kaayaan éta sakola, nu posisina panto gerbang jeung panto tukang nu diapit ku
dua bangunan nepika ayeuna angger weweg. Kitu ceuk guru Senior, Damin SDN
Sakambang – Wanayasa – Purwakarta basa tepung lawung jeung Galura sawatara waktu katukang.
Lain halna ceuk Kepala SDN
Sakambang, Euis Latifah, S.Pd nu mupuhuan ti 14 Pebruari 2019, Iyana ngarasa
reueus ku resikna sakola tur éndahna sabudeureun lembur Sakambang nu pinuh ku
tangkal cengkeh. Ieu minangka lembur nu ngahasilkeun cengkeh anu cukup lumayan.
“Keur mah nu jadi carogé geus
mang taun-taun ngabandar cengkeh nepika kiwari. Salah sahijina dilembur
Sakambang ieu sok mindeng dikirim hasil patani cengkeh ka bumina. Kari-kari
ayeuna mupuhuan di éta sakola, nya atuh matak betah,” pokna ibu Kasek.
Jumlah siswa 110 urangna téh,
sanajan dilembur ogé teu éléh jeung nu di kota. Para siswana ngajalankeun
program sakola nu sakumaha mistinana, saperti halna unggal isuk saacan arasup
kakelas mulungan runtah, poma nepika milah-milah runtah organik jeung anorganik
luyu sareng embaran ti pamaréntah sangkan ngurangan runtah palastik.
Sedengkeun para siswana parantos
kenging préstasi Olahraga Tradisional (Galah Asin), Anyaman, Kaligrafi jeung
MIFA. Éta téh hasil gemlengan 8 urang juru atik. *** (Anto Sukanto)
Keterangan poto :
1 - Perwakilan siswa
nu kenging préstasi dipoto bareng guru sinareng kepala SDN Sakambang.*
2. Kepala SDN
Sakambang, Euis Latifah, S.Pd
0 Response to "UPTD SDN Sakambang Resik, Matak Betah"
Posting Komentar