MGMP Basa Sunda Gawé Bareng Magelarkeun Drama Sunda jeung Sanggar Sukmasarakan
“Si Kabayan Jadi Dukun”
Minangka Udagan Drama Sunda ti pihak MGMP Basa Sunda
jeung Sanggar Sukmasarakan.
Apresiasi Drama Sunda nu jejerna "Si Kabayan Jadi Dukun" di Gedong Kahuripan Situ Wanayasa (10/12), hasil gawe bareng antara MGMP Basa Sunda Kabupaten Purwakarta sareng Sanggar Sukmasarakan.*
Dina raraga Aprésiasi Pangajaran Basa & Sastra
Sunda sinareng tarékah ngaronjatkeun ajén atikan pangajaran basa Sunda rukun
gawé sareng Sanggar Sukmasarakan jeung Musyawarah Guru Mata Pelajaran (MGMP) Basa Sunda
Kabupatén Purwakarta ngayakeun kagiatan “Pagelaran Aprésiasi Drama Sunda” pikeun nangkis mahabuna budaya android/gadget di
lingkungan pelajar.
Kukituna warga atikan hususna parapelajar ieu téh
diwanohkeun kana kagiatan Pagelaran Aprésiasi Drama Sunda nu eusi materina ngeunaan seni Drama Sunda mintonkeun judul “Si Kabayan Jadi Dukun” durasi 40 menit.
Pintonan Drama Sunda Sanggar Sukmasarakan.*
Malihan dipiharep ieu kagiatan téh ayana aprésiasi
siswa pikeun dialajar di luar kelas. Pon kitu deui mikawanoh langsung
kana materi kurikulum pangajaran basa Sunda hususna materi drama
Sunda.
Pintonan Drama Sunda Sanggar Sukmasarakan.*
Ieu pintonan drama jadi média pangajaran nu kalintang efektif pikeun nganteur paham
siswa kana seluk-beluk materi pangajaran drama Sunda.
Lantaran kagiatan nu saperti itu téh aya patalina
jeung Mata Pelajaran Basa Sunda, saperti halna materi Pagelaran Aprésiasi Drama Sunda éta téh ngawengku pintonan seni Gending Karesmén,
Monolog jeung Longsér nu hampir tumpur di kalangan warga masarakat. Kitu
ditetelakeun ku Pupuhu MGMP Basa Sunda Kabupatén Purwakarta, Achmad Sopian
Effendi, M.Pd ka Warta Sunda Onliné (09/12) di Gédong Kahuripan Situ Wanayasa nalika Gladi Bersih Pagelaran Apresiasi Drama Sunda gawé bareng
MGMP Basa Sunda sareng Sanggar Sukmasarakan.
Pupuhu MGMP Basa Sunda Kabupatén Purwakarta, Achmad Sopian Effendi, M.Pd.*
Kajaba ti itu, pihakna gawé bareng jeung Sanggar Sukmasarakan, ngawanohkeun barudak kana ieu kagaitan. Acara nu
saperti kitu lumangsung ti ping 10 Nopember
- 12 Nopember 2019. Tilu dinten
dipiharep apresiasi barudak nepikana 10.000
urang.
Ngan taun ayeuna
mah, pagelaranana dibagi tilu tempat saperti pembukaan poé Salasa (10/12) di
Gédong Kahuripan Situ Wanayasa. Poéan ka dua Rebo (11/12) di Sport Center Purnawarman, Purwakarta, sarta
poéan katilu di Gédong Korwil Kecamatan Sukatani.
Malah numutkeun Pupuhu Sanggar Sukmasarakan, Kang Ayi Kurnia Iskandar kagiatan
Pagelaran Aprésiasi Drama Sunda, basa ditepungan
dilokasi acara nyebutkeun yén karancagéan sareng MGMP Basa Sunda Kabupatén Purwakarta mah,
menyambut baik kana ieu kagiatan téh.
Nurutkeun data nu dikumpulkeun ku WSO yén para pamaén Pagelaran Aprésiasi Drama Sunda téh, para nonoman nu pakasabannana buruh
ngangkut batu di Ciheulang Kiarapedes Purwakarta sarta buruh tani nu mikaresep
kana seni Drama Sunda.
Ku kituna para
pamaén téh diarahkeun ku Kang Ayi Kurnia
Iskandar,
keur mah aranjeuna gaduh basic sok maraén calung. “Jadi gampang ngarahkeunana.”
Kitu ceuk Ayi.
Saperti halna Yoga
(20) peran Silah, sedengkeun Salih nu di perankeun ku Dian (20). Ari nu jadi iteung na mah
Aminah (48) ibu rumah tangga pakasaban buruh tani. Kalih ti éta, para
pamaénna ngaranggo kedok. Tangtu teu samanéa nganggo kedok téh. Tujuanana mah
para pamaén ngarah teu ripuh nga-maké-up, kulantaran dina pintonan durasi 40
menit téh guntas-gentos pemaén. Kajaba sadinten éta mah mintonkeunnana tilu
kali. Poma deui di dua tempat nu séjénna kitu.***
0 Response to "MGMP Basa Sunda Gawé Bareng Magelarkeun Drama Sunda jeung Sanggar Sukmasarakan"
Posting Komentar