Disporaparbud, Ngamumulé Seni Ibing Silat Pasanggirina di Jawaraan ku SMPN 1 Maniis
Disporaparbud – Warta Sunda Onliné,
R
|
Dina hal ieu mah, tarékah
jeung patéah pihak Dinas Pemuda dan Olahraga, Pariwisata dan Budaya
(Disporaparbud) Kabupatén Purwakarta masih kénéh mikanyaah kana seni titingal
karuhun nu ayeuna geus mendunia. Kitu ceuk Sekretaris Disporaparbud, Heri
Anwar, SH, inyana ngarojong kana éta kagiatan. Malahan ieu tiasa janten
motivasi keur para patandang ogé janten dya taris destinasi wisata tina tiap
pintonan silat barudak.
Minangka nu janten jawara tina
kagiatan Pasanggiri Ibig Silat éta téh Juara Umum UPTD SMPN 1 Maniis, malah
kapinunjulanana ogé ngawengku diantarana : Juara 1 Rampak Putri, Juara 1 Rampak
Putra, Juara 3 Ijen Putri sarta Juara Harapan 2 Tunggal Putri. Kitu
ditetelakeun ku panatacalagara kagiatan Pasanggiri
Ibing Pencak Silat, Anén nu direncangan Irfan Suryana, S.Sos (Kepala Bidang
Kepariwisataan dan Kebudayaan) sareng Kepala Seksi Pemeliharaan dan Pengembangan Kebudayaan, Agus Fitradhona, A., SE, Disporaparbud ka Warta Sunda Onliné dilokasi acara, Ahad,
(20/10).
Acara nu saperti kitu téh
diiluan ku 46 tingkat SD sarta 21 tingkat SMP. Lomba nu dipagelarkeun téh aya 3
kategori nu diparebutkeun diantarana Kategori Tunggal, Ijen sinareng Rampak.
Lumangsung ping 19-20 Oktober 2019 di Lapang GOR Purnawarman, Disporaparbud
Kabupatén Purwakarta.
Sedengkeun ceuk Kepala UPTD
SMPN 1 Maniis, Cucu Agus Hidayat, S.Pd, M.Pd basa anak didikna kenging
kapinunjulan Pasanggiri Ibing Penca Silat. Inyana ngarasa reureus tur bingah
amarwatasuta. Sok sanajan anak didikna tilembur geus bisa némbongkeun unjuk
kabisana tina widang silat tur mawa oleh-oleh ku kapinjulan Juara Umum.
“Tina persiapan anak didikna
téh geus ti anggalna dipersiapkeun, kajaba guru Pembina Eskulna Ibu RW Nurretna
sarta Pelatihna H. Akim, barudakna geus bariasa latihan. Tur sering tandang
makalangan dina tiap even-even sa-Jawa Barat,” pokna Cucu Agus Hidayat.
Lain halna ceuk perwakilan
pamilon, Ai Agustin siswa SMPN 1 Maniis (Juara 1 Rampak Putri). “Sim kuring
ngarasa bungah parantos milu aub acara nu saperti kitu, poma geus nyumbangkeun
kapinunjulan. Tapi henteu cekap kitu waé, ieu hasil karancagéan pihak sakola
dina ektrakurikuler Silat,” pokna.
Ceuk Pelatih Silat, H. Akim,
yén barudak SMPN 1 Maniis geus ngabiasakeun latihan tur barudakna tarangguh,
teu bangga mun tiap aya even kagiatan nu saperti kitu, tingal maheutkeun
barudak tandang makalangan.
UPTD SMPN 1 Maniis Pinunjul Jawara Umum Pasanggiri Ibing Silat
Disporaparbud 2019
Siswa-siswi SMPN 1 Maniis kapinunjulanana Pasanggiri Ibing Pencak Silat Tingkat SD sareng SMP salaku Juara Umum diantarana Juara 1 Rampak Putri ngawengku nami-namina : 1. Ai Agustin, 2. Neng Rahmawati, 3. Risa Andriani, 4. Maya Rosmayanti sarta 5.D. Irma Novyanti.
Juara 1 Rampak Putra ngawengku nami-namina : 1. Farhan Apian, 2.
Dindin Muhidin, 3. M. Gandi Hamdani, 4. Endang Rukman Munandar sarta 5. Iqbal
Linas. Juara 3 Ijen Putri ngawengku
nami-namina : 1. Risa Andriani sarta 2. Ai Agustin. Juara Harapan 2 Tunggal
Putri : Ai Agustin.
Acara éta dihadiran ku Kepala
Disporaparbud, Sekdis, Kabid Disporaparbud, Ketua DPD IPSI Kabupatén Purwakarta
(Yoyo Yahya), sarta Kepala SD katut SMP Se-Purwkarta.***
