WARTA ATIKAN TI BOJONG - Kecamatan Bojong dina PSSP Tingkat Kabupatén Nargetkeun : Maca Warta, Ngadongéng & Nulis Aksara Sunda

Kecamatan Bojong dina PSSP Tingkat Kabupatén

Nargetkeun : Maca Warta, Ngadongéng & Nulis Aksara Sunda

 

BOJONG – Warta Sunda Onliné,

K

AMELANG tur bangbaluh keur Panitia Sirung Sunda Pinilih Tingkat Kecamatan Bojong, dina mapag tandang Pasanggiri Sirung Sunda Pinilih Tingkat Kabupatén Purwakarta, ahirna aya bongbolongan pikeun ngundeur préstasi di tingkat kabupatén. Malah kiwari para pembinana soson-soson ngabina para juara Pupuh, Maca Sajak, Ngadongéng, Biantara, Mac Warta, Ngarang Carpon jeung Nulis/Maca Aksara Sunda.

Pikeun makalangan di tingkat kabupatén, ceuk Ibu Érna Nurjanah, S.Pd (Guru SDN 1 Cibingbin, Kecamatan Bojong, Purwakarta) ngawangkong jeung Warta Sunda Onliné di kantor UPTD Pendidikan Kecamatan Cibatu, poé Rébo, (6/3), inyana badé nargetkeun 3 (tilu) widang Sirung Sunda Pinilih.

Malah taun-taun katukang, Kecamatan Bojong kantos ka tingkat provinsi Jawa Barat saperto lomba Ngadongéng, Maca Warta, jeung Nulis Aksara Sunda. “Mudah-mudahan taun ayeuna, tilu lomba éta téh tiasa kasangking ku barudak SD Kecamatan Bojong.

Lain deui nu kasauran Kelompok Kerja Kepala Sekolah (K3S) Kecamatan Bojong, Tédi Sutédi, S.Pd, pihakna kasapukan jeung kepala sekolah nu lain pikeun ngiring nyukseskeun panitia dina mapag tandang Pasanggiri Sirung Sunda Pinilih di Tingat Kabupatén Purwakarta nu baris lumangsung ping 19-20 Maret 2019 di Yudistira jeung SMPN 7 Purwakarta.***

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: