WARTA TI SUKASARI - BHAKSOS 15O URANG MAHASISWA

BHAKSOS 15O URANG MAHASISWA

ITB, UNPAD, UPI, UNISBA & WIDIYATAMA

Warta Sunda Online,

R

ATUSAN Mahasiswa ti Bandung haliber lir ibaratkeun manuk. Hiberna mahasiswa éta téh ka wewengkon Désa Parungbanténg, Kecamatan Sukasari, Kabupatén Purwakarta. Jumlah mahasiswa nu haliber téh aya kana 150 urang nu ngawengku ti mahasiswa Institut Téknologi Bandung (ITB), UNPAD, UPI, UNISBA & WIDIYATAMA. Para mahasiswa éta téh ngayakeun saniskara kagiatan saperti kagiatan Bhaksos (Hitanan Massal), Pasar Gratis jeung Pengobatan Gratis.

Kagiatan nu saperti kitu téh témana “MANUK HIBER”, jadi para mahasiwa luyu sareng téma éta téh haliber kumaha gerentes haténa, nya nyangsang jeung euntreup di Désa Parungbanténg Kecamatan Sukasari Kabupatén Purwakarta nu dipuseurkeun di buruan jeung kantor Désa Parungbanténg Désa Parungbanténg Kecamatan Sukasari. Kitu ceuk Ketua Koordinator éta kagiatan wastana Mochamad Alghifari mahasiswa Teknik Informatika ITB 2016 (23/12).

Masih ceuk Alghifari yén kagiatan nu saperti kitu téh, masih dina raraga Maulid Nabi Besar Muhammad SAW 1440 H. Acara hitanan massal éta, para mahasiswa ngahaja turun ka lembur hususna di wewengkon Parungbanténg pikeun leuwih apal yén masih kénéh loba barudak nu can disundatan. Kukituna ieu kagiatan para mahasiswa langsung prakték nyundatan barudak. Nilik ti pangalaman ti dosén, para mahasiswa nyundatan barudak balita. Tapi ari sacara teknis mah dipandu ku para dokter ti RS. Hasan Sadikin Bandung,” pokna.

Dina runtuyan kagiatan éta téh, saperti hitanan massal aya kana 15 urang balita nu disundatan. Malahan salahsaurang kolotna nu wastana Ahmad Jaélani bin Endang (45), ngarasa bingah ku ayana sunatan massal ieu. “Boro-boro keur mikiran nyundatan barudak, dalah kanggo biaya sapopoé gé sarwa kakirangan. Kari-kari ayeuna aya hitanan massal, nya putra Abdi didaftareun, ngarah jongjon, da ari ummat Islam mah murangkalih pameget kedah disepitan,” pokna.

Lain deui ceu Bi Maémunah (55), nalika dipasihan acuk sarwa haratis téh asa kagunturan madu, sok sanajajan lebaran lami kénéh. “Da, acuk sareng tas na ogé badé dianggo kanggo lebaran sim kuring sareng pun anak.” Pokna Maémunah.

Dina kasempetan éta ogé, Kepala Désa Parungbanteng, Asep Saéfullah, ningal ku kasumpingan rombongan para mahasiswa ti Bandung kalintang bingah pisan yén wargana aya nu milu mikanyaah ku para mahasiswa kanggo ngayakeun bhaksos ka wewengkonna. Mugia aranjeunna sing dipasihan kabarokahanna tina naon nu dipasihkeun tur ngalayanan wargana tina pengobatan gratis, hitanan masal tur pasar kaget (haratis).

Sedengkeun ceuk Kepala SDN 1 Parungbanténg, Jajang Jumyati, S,Pd, yén anak didikna dipasihan kasempetan Roudoh siswa/siswi SMPN Satu Atap 1 jeung 2 Parungbanténg dina acara Tablig Akbar Maulid Nabi Besar Muhammad SAW 1440 H. “Keur para siswana kalintang mangaatna tur tiasa masihan motivasi pikeun ngalajengkeun sakola ka tingkat nu leuwih luhur. Lian ti siswana kenging doorprise mangrupa Sapedah Mesin ogé Bu Maésaroh (57) sami kenging sapedah mesin. Ieu langkung mangpaat keur urang lembur.***  

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: