Sajak Sunda KiNdéd19 (NU GUGUPAY.........)
Pajaratan geus ngantosan
Ngagupayan gegeroan
Lapat-lapat ngadatangan
Ngajak nyawa lelempangan
Tutunggul rentul ngajentul
Ngantosan nu acan jebul
Samboja nu ngarangkadak
Jadi payung nu dipelak
Pasaran datang lalaunan
Jumarigjeug ngalongkewang
Nu nganter ceurik hariwang
Moal lila bakal nurutan...
Ngajolopong layon nyelenggon
Dirurub padung ku kayon sengon
Taneuh beureum nu ngurugan
Tempat layon ngantos patarosan
Kakayaan nu diteangan
Dikumpulkeun na kahirupan
Geuning ukur jadi rebutan
Boeh larang ngan jadi raksukan
#Kinded19
