WARTA TI RA/TK/DTA/MTs SUKATANI : PGM, IGRA & FKDT Kecamatan Sukatani Maneuh Unggal Taun Magelarkeun Muharaman
PGM, IGRA & FKDT Kecamatan Sukatani
Maneuh
Unggal Taun Magelarkeun PHBI
SUKATANI – Warta Sunda Onliné,
D
|
ina
raraga ngabagéakeun datangna taun anyar Islam 1441 Hijriayah jeung muharaman,
Perkumpulan Guru Madrasah (PGM) jeung Ikatan Guru RA (IGRA) Kecamatan Sukatani,
Kabupatén Purwakarta ngagelar saniskara kagiatan Kampus 4 MI Al-Muhajirin &
MTs Al-Wathon Sukatani, Purwakarta.
Dina kagiatan éta téh pamilonna Pawey
Akbar PPC PGM Sukatani, Porsadin FKDT Kecamatan Sukatani sarta pamilon Lomba RA
Tingkat Kecamatan PC IGRA/KKRA Kecamatan Sukatani nu diiluan ku 3.500 urang nu
ngawengku pamilon ti 18 RA, DTA 25, MI, MTs sarta Majlis Ta’lim Sa-Kecamatan
Sukatani. Téma kagiatan éta téh : “Dengan
Gebyar Muharram 1441 H & Porsadin, Kita Kembangkan Bakat Kréatifitas Anak
dan Pererat Ukhuwah Islamiah.” Kitu ditetelakeun ku Ketua Panitia Acara, H. Sobari, S.Ag (Yayasan Al-Wathon/Kepala MI Al-Muhajirin) ka Warta Sunda Onliné dilokasi acara, poé Saptu (7/9) di MI
Al-Muhajirin & MTs Al-Wathon Sukatani, Purwakarta.
Inyana netelakeun yén ieu
kagiatan téh maneuh unggal taun dilaksanakeun. Tujuan utamana mah salian ti
ngudag kana fadhilah Muharaman ogé ngalatih ka barudak supaya numuwuhkeun sikep
mikanya’ah tur mikaasih ka sasama. Malah kagiatan nu saperti kitu téh diiluan
pamilonna ti tingkat TK/RA sarta MI sa-tatar Kecamatan Sukatani, pokna.
Lain halna ceuk salahsaurang Pangurus DTA Al-Idrisiyatussalafiyah, Ust.
M. Abdul Aziz nembrakeun rasa kabungahna ku lumangsungna éta acara sanajan
saukur basaan.
“Komo nepika Kepala Désa Sukatani
ngadongdon tur muka acara kagiatan nu saperti kitu. Kagiatan nu ieu téh hasil
tina karancagéan rengrengan juru atik (guru-guru) jeung Kepala Sekolah TK/RA
sarta MI, DTA katut orang tua murid.
Dina kasempetan éta ogé, Kepala Désa Sukatani, Asép Sumpena,
inyana ngarasa reueus yén barudak diwanohkeun kana kagiatan PHBI, sapertos
ayeuna kagiatan mapag taun anyar Islam atawa 1 Muharam. Malah mandar, pihakna
siap ngarojong tiap kagiatan PHBI, mun tiasa taun payun mah, starna ti Kampus 4
Al-Muhajirin/Yayasan Al-Wathon – finis tur saniskara kagiatan dipuseurkeun di
Lapang Espect.
Sedengkeun ceuk Ketua IGRA Kabupatén Purwakarta, Evi
Lutfiah, S.Pd, dipiharep investasi keur barudak sangkan soleh tur solehah.
Ari ceuk Acép, inyana ngajentrekeun kagiatan Muharraman ieu téh diantarana :
kagiatan Bhaksos, Pildacil, Hifdzil Qur’an, Kaligrafi, Cerdas Cermat, Lomba
Mewarnai TK RA, sarta dina Widang Olahraga Sprint jeung Futsal sarta teu
kakantun Fashion Show.
Malahan saur Udan Ahmad, Humas Kampus
4 Al-Muhajirin/Yayasan Al-Wathon, ngarumaoskeun rempegna pamilon nepika tempat
Kampus 4 na téh pinuh tur pasedek-sedek sareng para pamilon.
Numutkeun pantauan Warta
Sunda Onliné, yén kagiatan éta téh teu leupas ti peran serta ti Aparat Désa
Sukatani (Kepala Desa : Asép Sumpena), Kordes LSM Kompak Sukatani (Ket. Jaenal
Asikin), Satkorcab Banser Sukatani, kepulisian sarta warga setempat nu milu
ngatur patalimarga antara Lapang Espect sareng patalimarga Bendul Sukatani
dugika Kampus 4 Al-Muhajirin/Yayasan Al-Wathon. Anapon kitu pihak panitia
masihan bantosan ka 30 urang anak yatim nu aya disabudeureun Kampus 4.
Acara nu saperti kitu téh
dihadiran ti Pengawas RA/TK/MI/MTS Kemenag Purwakarta, Ketua IGRA Kabupatén
Purwakarta. Perwakilan Banser Kabupatén Purwakarta. ***
