WARTA SUNDA ONLINÉ

WARTA SUNDA ONLINÉ

BENTANG TAMU

SMPN 1 Purwakarta, Mibanda Alat Ngosrek

  SMPN 1 Purwakarta, Mibanda Alat Ngosrek  Kepala Sakola nalika mulungan runtah di luar lingkungan SMPN 1 Purwakarta, bagian tina kegiatan ...

CAMPALA MEDAR

ASISINDIRAN DINA KAHIRUPAN MASARAKAT SUNDA Urang Sunda kawilang dalit jeung wangun karya sastra anu kiwari disebut sisindiran, anu diwangun ku cangkang jeung eusi. Ti bubudak éta téh. Sanajan tangtu baé, sisindiran budak mah, kawilang basajan, ngawujud dina kakawihan. Mun rék ucing-ucingan, upamana, barudak sok hompimpah heula. Hompimpah alaikum gambréng, Ma Ijah maké baju rombéng. Cag. Bhaktos pun Anto Sukanto.
» » FIKMIN BASA SUNDA : NGINTUN GAMBAR CÉKAS

FIKMIN BASA SUNDA : NGINTUN GAMBAR CÉKAS

Edit
NGINTUN GAMBAR CÉKAS

Ieu mah ngotrét téh husus kanggo anu gapték sapertos ema. 
Uninga dong, kumaha ema-ema jaman ayeuna kana sélpi? Segut binti sumanget opat lima. Mios kamamana pasti aya buktos. Tong boroning jalan-jalan ka luar nagri, dalah di Nagrég ogé anu caket, pasti jeprat-jeprét selpi. 
Jiga kamari, mios ka Pasar Baru téh ngabring. Ema sabalad-balad mios ti Cicaléngka kana Karéta Bandung Raya, ngabring opatan, katambihan ku Ami anu naék ti stasion Cikudapateuh. Janten limaan. 
Atoh aya Ami téh janten aya juru potrét pleus penata gaya. Bari angger wé baredegong. Dipotrét bari daroyong paséréd-séréd. 

Wangsul ti Pasar Baru ka Stasion Bandung deui waé, da kana karéta deui waé. 
Ma'lum dinten Saptu, di Stasion Bandung mah pasosonten téh sok kacida pinuhna ku calon muatan. Muatan nu cacaketan aya, muatan anu badé ka tebihna seueur. Atuh korsi di péron téh pinuh dicaralikan. Sapalih calik dina témbokan péron.  Atuh kapaksa ema mah sareng Ami ogé ngadon calik sarila, di péron antawis jalur 1 sareng jalur 2. 
Ngobrol duaan da balad anu tiluan mah masih ngobrol di luareun musholla nu aya di lebet wangunan stasion. Ami ngunjukkeun kumaha carana ngadamel video boomerang sanaos ku ema mah teu acan kapendak pikaresepeunana.
Tah ieu anu ema nembé terang téh. Geuning upami hoyong gambar anu dikintun ngalangkungan WA cékas, ngintunna kedah ku dokumén sanggem Ami téh. Ema téh rungah-ringeuh da biasana mah ngintun téh sok langsung tina galeri. 
Cenah upami dikintun nganggo dokumén mah kualitas gambar anu dikintun sami sareng aslina. Janten ukuran seukeutna (ketajaman) gambar henteu dialitkeun. Saupami ukuran ketajaman gambar aslina 3 mega pixel, saparantos dikintunkeun ogé ukuranana sami sakitu. Naon istilahna téh, henteu dikomprés kitu? Jiga nu harééng atuh nya. Héhé. 

Tah ngintun nganggo dokumén téh kieu carana :
  • ·         Pilari kontak WA anu badé dikintun gambar atanapi video. 
  • ·         Tos muka klik gambar panyapit kertas.
  • ·         Pilih dokumén.
  • ·         Pilih browse other docs.
  • ·         Pilih gambar anu badé dikintun. 
  • ·         Pung apungkeun. 


Ieu mah wios nya ngabéjaan bulu tuur ogé. Da ema mah nembé terang.

#net_linah_post

Subscribe to receive free email updates: