Ade Jo Sukses Ngorbitkeun Adi Kurniawan Tarigan Jadi Ketua PWI 2025-2028
PURWAKARTA - www.wartasunda.id,-
Ngangkat harkat darajat hiji jalma teu sagampang malikeun dampal leungeun. Tapi ku kayakinan jeung karancagean tim anu solid, éta nu jadi tujuan urang saréréa.
Salah sahijina di wadah Persatuan Wartawan Indonesia (PWI) hususna Kabupaten Purwakarta, kiwari diayakeun Konférénsi PWI Purwakarta Periode 2025–2028. Tangtu calon piketua-eun téh nu perlu diusung sangkan jadi pupuhu.
Ungkara diluhur éta, keur Ade Winanto jadi udagan pikeun nyukseskeun salah sahiji calon.
Dina kasempetan éta ogé, Ade Jo nu biasa disebut téh, dina lolongkrang waktuna ngajelaskeun ka www.wartasunda.id di sekretariat PWI, jalan Veteran Purwakarta.
Ceuk kang Ade Jo, yén dirina geus boga cepengan pikeun ngajagokeun calon Ketua PWI, nyaéta Adi Kurniawan Tarigan pikeun makalangan dina ajang Konférénsi PWI Purwakarta Periode 2025–2028.
Tarekah jeung pateah pikeun nyukseskeunna perlu rojongan ti stakeholder kalebet ti para peserta nu berkah milih calon ketua PWI.
Numutkeun data yén nu bakal milih calon Ketua PWI téh aya kana 20 urang pemilih. Kukituna, “simkuring satekah polah kumaha carana sangkan bisa narik simpatik tina 20 urang éta téh bisa kacepeng sorana. Nya, dina waktuna nepika bisa nyukseskeun jagoanna (Adi Kurniawan Tarigan) pinilih Ketua PWI Purwakarta Periode 2025–2028,” pokna Ade Jo.
Disagedengeun éta, ku parantos kapilihna
Tarigan, tangtu ayeuna pihakna keur nyusun formatur rengrengan pangurus PWI Purwakarta
Periode
2025–2028.***
0 Response to "Ade Jo Sukses Ngorbitkeun Adi Kurniawan Tarigan Jadi Ketua PWI 2025-2028"
Posting Komentar