5 Bulan, Pasokan Cai PDAM Teu Katarima Ku Warga RT.11/RW.03 Kel. Munjul Jaya
Salahsahiji meteran di Warga RT.11/RW.03
milik PDAM Purwakarta teu berpungsi tur Cai beresihna teu ngalir.*
Purwakarta - WSO,
Warga Kelurahan Munjul Jaya TKP Kp. Rawasari Gang Buntu geus lima bulan teu narima layanan sarana cai beresih ti pihak PDAM Purwakarta. Sok sanajan ayeuna usum ngijih para warga ngakutan cai di tatangga sabeulah. Nu jadi leuwih kumalasepa na mah, nini-nini nu yuswana kana 85 taun ogé milu ngakut cai di tatangga RT sabeulah.
Ku kajadian éta, Warga di RT.11/RW.03 Kelurahan Munjul Jaya, teu sugema ku sarana cai bersih. Kitu ditetelakeu ku salah saurang warga Erwin ka Warta Sunda Onliné, Salasa, (21/1/2020).Dina hal ieu mah, miharep ka pihak PDAM Kabupatén Purwakarta pikeun ngalayanan sakumaha mistina.
Lain halna ceuk Tono, dina usum hujan ieu, para warga nandean cai hujan keur pangabutuh mandi jeung masak. Tapi mun hujanna belang-betong, nya kapaksa ngakutan cai ditatangga sabeulah beda RT.
Kituna ogé, pihakna (warga) geus ngalaporkeun tilu kali ka PDAM, tapi can aya realisasina komo nepika aya perhatian anu dari. Malah mandar, warga RT.11/RW.03 rék ngahadap ka Anggota DPRD Kabupatén Purwakarta, mun pihak PDAM teu aya tanggapan.***
0 Response to "5 Bulan, Pasokan Cai PDAM Teu Katarima Ku Warga RT.11/RW.03 Kel. Munjul Jaya"
Posting Komentar