Miéling HARI SANTRI NASIONAL 2019 : SARUNGAN CIRI KHAS ISLAM NUSANTARA
Purwakarta – Warta Sunda Onliné,
|
P
|
uncakna acara Hari Santri Nasional (HSN) di Purwakarta lumangsung
kalayan meriah. nurutkeun Bupati Purwakarta Anne Ratna Mustika, acara HSN taun ieu
mah béda jeung ti taun-taun katukang.
"Poé
ieu di Purwakarta minangka ngarayakeun hari santri nu ka-3 taun. Perayaanana
béda jeung taun kamari, samalah saniskara kagiatanana saminggu jeput, ti mimiti
ping 12 Oktober nepika kamari 21 Oktober 2019," pokna Anne sabada miéling acara
puncak HSN di Taman Pasanggrahan Padjajaran Purwakarta, Salasa
(22/10/2019).
Bupati
Anne ngajelaskeun, yén miéling HSN lain saukur dipiéling acara kagiatan upacara
wungkul, tapi ayana sarupaning kagiatan-kagiatan lainna.
“Miéling
poé santri ayeuna, ku diayakeunana lomba-lomba timimiti lomba MQK (Kitab Safinah,
Taqriv, Fathul Muin, Alfiyah Ibnu Malik), Cipta Puisi, Photografi, Porseni jeung
Defile Santri. Lian ti éta, kamari poé Senen, 21 Oktober 2019, pihakna parantos
magelarkeun Sholawat jeung Dzikir Bersama," jelas Anne.
Kajaba
ti éta, Kapolres Purwakarta AKBP Matrius ngaapresiasi kana kagiatan hari santri
nasional nu deudeul jeung dirojong Pamaréntah Kabupatén Purwakarta.
"Pokona
mah acarana rohaka pisan, samalah kagiatan hari santri di Purwakarta sungguh
luar biasa dimana sakabéh kagiatan santri jeung ulama, didukung penuh ku Pamaréntah
Kabupatén Purwakarta jeung TNI katut Polri. Ayeuna ciri has sarungan lain
saukur dipaké lokal, tapi Présiden ogé maké sarung, nu ngarupakeun ciri has Islam
nusantara," pokna Matrius.
Dina
kasempetan éta ogé, Rais Suriah PCNU Kabupatén Purwakarta, KH. Abun Bunyamin ngeceskeun,
yén santri-santri di Indonésia ayeuna geus hararebat malahan geus teu
katinggaleun deui jaman.
"Pihakna,
salaku Rais Suriah PCNU Purwakarta ngadugikeun ngahaturkeun rewu-rewu nuhun ka
Bupati jeung staké holdér nu geus milu aub tur masihan support langsung kana
ieu kagiatan miéling hari santri nasional. Ku mekarn jaman anu sakitu mahabu, kiwari
ayana istilah santri milenial, poma teu aya istilah santri kampungan. Malahan loba
anak pajabat nu arankna mondok di pasantrén," pokna KH. Abun Bunyamin.
Inyana
miharep. Kapayuna masarakat tong nepika ragu-ragu ngirimkeun anakna pikeun nyiar
élmu pangaweruh bari jeung mondok di Pesantrén.
"Harepan
ka sakabéh masarakat sangkan tong melang anakna lebet ka pasantrén-pasantrén, kulantaran
santri ayeuna mah lain saukur diajar agama waé tapi diajar élmu pengetahuan
lainna," harepna. (*)
