WARTA TI BOGOR : Gényé, Kesenian Helaran Has Purwakarta Seni Genyé Milu Aub Ngareuah-reuah Milangkala Bogor ka-537

Gényé, Kesenian Helaran Has Purwakarta

Seni Genyé Milu Aub Ngareuah-reuah Milangkala Bogor ka-537

BOGOR – Warta Sunda Onliné,

G

ENYÉ téh singketan tina Gerakan Nyéré. Anu marajianana Deden Guntari Hidayat taun 2009. Mimitina mah loba nu teu narima kana ieu kasenian téh. Dipokalan ku bupati Purwakarta harita, Dedi Mulyadi, taun 2010, Gényé dipintonkeun di hareupeun pamaréntah jeung masarakat Purwakarta. Dipikalandep ku Dedi Mulyadi laju dijadikeun kasenian has Purwakarta.

Kasenian gényé mindeng minton, boh ditingkat lokal, provinsi boh di tingkat nasional, malah dilélér pangajén, di antarana dua kali juara lomba Pawai Taaruf MTQ Jabar. Di tingkat nasional milu arak-arakan Festival Kemilau. Kamari di Ciamis nu keur ngareuah-reuah milangkalana tur ayeuna nu anyar-anyar ieu di Bogor, gényé salasahii kasenian nu mincut nu lalajo.

  Dina pintonan, nu ngadumaniskeun custom nu ku perkusi, bedug, dogdog jeung goong, ngan henteu salawasna kudu aya tapi diluyukeun kaperluan pintonan. Tarianna tarian kontemporer, gerakan jeung polana ogé diluyukeun kaperluan. Kitu deui jumlah nu narina.

Ornamen sapu nyéré ngandung filosafah. Sapu nyéré dipaké meresihan nu barala atawa nu kotor. Urang ogé kudu meresihan diri, boh lahir boh batin. Bareto sapu nyéré mindeng dipaké ku kolot keur ngadidik barudakna sangkan daékkeun ngaji. Beh ditu pisan, sapu nyéré mun dicepretkeun ka unggal juru imah dipercaya bisa ngusir hal-hal nu goréng.

Ku karancagean Deden Guntari, Tatar Sunda jadi leuwih beunghar ku kasenian helaran  nu unik. Digali jeung dikembangkeun tina potensi alam nu aya disabudeureunana.

Dina kasempetan éta ogé, Sekretaris Dinas Pemuda, Olahraga, Pariwisata dan Budaya, Heri Anwar ka Warta Sunda Onliné, Kasenian Genyé lian ti ngiring aub di Kabupatén Ciamis, kamari poé Ahad, ping 30 Juni 2019 ngiring aub ogé dina perhelatan Ciamik taunan Kota Bogor Jawa Barat tur Helaran Seniman Budaya dina raraga Milangkala Kota Bogor ka-537 nu lokasina di Plaza Balai Kota nepika Pusdizi (ZENI) pikeun mintonkeun potensi nu aya hususna budaya Indonésia ogé sakaligus media edukasi keur ngawanohkeun kabudayaan ibu pertiwi. (Tim Bidik Budaya Purwakarta).*** Anto Sukanto.

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: