Ceuk Hj. Ocih, S.Pd : Targetna Kids Atletik jeung Solo

Ceuk Hj. Ocih, S.Pd :

Targetna Kids Atletik jeung Solo

“Ngukur kamampuhan murid loba cara. Diantarana sina miluan lomba, pasanggiri atawa pertandingan. Tah kagiatan kawas kitu téh, ilahar naker di sakola mah, saperti nu lumangsung di SD nu aya di Kacamatan Maniis, Purwakarta.”

MANIIS – Warta Sunda Onliné,

B

édana barudak di SD Maniis, Purwakarta mah, gariat naker. Malihan aratoheun miluan saniskara kagiatan téh. Saperti harita, di Lapangan Sepak Bola Kecamatan Maniis, murid-murid SD téh hégar marahmay dibarung ku euyah-euyahan susurakan nyumangetan babaturanana nu keur makalangan.

Dina hal ieu mah, ceuk Ketua Panatacalaga, Hj. Ocih, S.Pd yén kagiatan kawas kitu, kaasup maneuh. Harita téh, barudak di éta kacamatan mariluan Olimpiade Olahraga Siswa Nasional (O2SN), Olimpiadé Sains Nasional (OSN), Olahraga Tradisional (OLTRAD), Festival dan Lomba Seni Siswa Nasional (FLS2N), Literasi sarta Sapta Lomba PAI  satatar Kacamatan Maniis.

Di Purwakarta, mémang barudak téh biasa mariluan sanisakara kagiatan. Kituna téh, da éta kagiatan maneuh saban taun. Ari kagiatan naratau dihandap heula. Barudak téh diabenkeun di tingkat kacamatan nu saterusna sina mariluan di tingkat nu leuwih luhur, kabupatén, provinsi eung nasional.
Kagiatan kawas kitu loba mangpaatna. Barudak bisa ngukur kamampuh sorangan ku cara ngabandingeun jeung kamampuh babaturanana ti sakola séjén. Ari keur guru mah éta agiatan téh bisa jadi cara meunteun barudak, pangpangna mah dina sagala widang.

Saniskara kagiatan di Maniis, lumangsung ti tanggal 06 nepika 08 Fébruari 2019. Tempatna di Lapang Sepak Bola Kecamatan Maniis, SD Negeri Cijati, Gédong PGRI Maniis jeung SD 1 Citamiang Kacamatan Maniis Kabupatén Purwakarta, Jawa Barat.

Barudak téh sarumanget naker. Atuda, bisa tepung jeung babaturan sakola séjén, sakalian ngadu jajatén jadi juara, engkéna boga miluan dina kagiatan nu leuwih luhur.

Barudak nu tandang, mémang meunang milihan guru-guruna. Kitu téh luyu jeung pangabisa masing-masing. Dina kagiatan éta téh, aya genep rupa widang lomba diantarana O2N, OSN, FLS2N, OLTRAD, LITERASI sarta PENTAS PAI.

“Nu mariluan téh ti sakumna SD nu aya di Kecamatan Maniis. Teu hésé néang patandang mah, da masing-masing sakola gé nataharkeun ‘para atlit” tianggalna kénéh. Atuh, dina waktuna téh kari prakna. Kamari gé, éta saniskara kagiatan téh diiluan ku 16 SD nu aya Kacamatan Maniis” pokna Hj. Ocih ngabéjerbéaskeun kagiatan ka Warta Sunda Onliné, sabada pembukaan acara nu dibuka langsung ku Camat Kecamatan Maniis, Cécép Suhendar, S.Sos, poé Rébo, (06/2/2019) di Lapangan Sepak Bola Kecamatan Maniis, Kabupatén Purwakarta, Jawa Barat.
Sedengkeun nu ditargetkeun ku Kacamatan Maniis dina widang O2SN mah Cabor KIDS Atletik, FLS2N mah nyanyi Solo. Éta diantara nu jadi target téh. “Malah kasang tukangna kungsi janten wawakil nepika provinsi opat target éta téh,” pokna Hj. Ocih deui.

Malihan dina biantarana Camat Kecamatan Maniis, Cécép Suhendar, S.Sos, “Uar pangajakna sangan para pamilon dina ieu kagiatan jungjung sportifitas dina lomba kalayan tong nepika papaséan antar pamilon, angguran mah témbongkeun pangabisana dina lomba ieu.”

Ketua Kelompok Kerja Kepala Sekolah (K3S) Pendidikan Kecamatan Maniis, Mulyanto, S.Pd, M.Pd, nétélakeun yén suksesna ieu kagiatan téh hasil karancagéan jeung gawé bareng staké holdér hususna rengrengan Kepala Sekolah katut guru-guruna nu parantos milu aub pikeun kalumangsungan ieu kagiatan. Kajaba ti éta, nu jadi témana téh : “Pertahankeun Préstasi nu Aya pikeun ngawujudna nonoman nu berkarakter.”

Hasil tina kagiatan ieu téh, bisa dipaké ngukur kamampuh keur diilikeun dina kagiatan nu leuwih luhur. Nu punjul bisa diilukeun di tingkat kabupatén, provinsi jeung nasional. “Mangpaat sanésna, ieu kagiatan tiasa janten alat silaturahmi sareng ngamekarkeun kréativitas siswa,” pokna Pa Mulyanto nu biasa disebat (K3S).

Nurutkeun data nu dikumpulkeun ku Warta Sunda Onliné, yén saniskara kagiatan di Wanayasa tina 30 Cabang Lomba, 16 Sakola, jumlah pamilon 990 urang, 223 urang pendamping 39 urang dewan juri, 130 urang Panitia Pelaksana. Acara dihadiran ti piha UPTD Pendidikan Kecamatan Maniis katut Penilik/Pengawas SD Maniis.

Lian ti éta, Juara Olimpiade Matematika Juara 1 : Irma Siti Ulyatun Siswa SDN 2 Gunungkarung, Juara 2 : Dédé Muhtadin Siswa SDN 1 Cirama Hilir, sarta Juara 3 : Kelvin Trian siswa SDN 1 Citamiang. Olimpiade IPA Juara 1 : Réva Rosalina Siswa SDN 2 Citamiang, Juara 2 : Yusup Sopian Siswa SDN Cijati, Juara 3 : Rima Andini siswa SDN 1 Ciramahilir.

Kajaba éta, Juara FLS2N Widang Cerita Bergambar Juara 1 : SDN 2 Sinargalih, Juara 2 : SDN 1 Tegaldatar, sarta Juara 3 : SDN 2 Ciramahilir. Widang Pantomim Juara 1 : SDN 1 Tegaldatar, Juara 2 : SDN 1 Gunungkarung, sarta Juara 3 : SDN 1 Sinargalih. Widang Tari Kréasi Daérah Juara 1 : SDN 2 Sinargalih, Juara 2 : SDN 1 Tegaldatar, sarta Juara 3 : SDN 1 Citamiang. Widang Menyanyi Tunggal/Solo Juara 1 : SDN 1 Citamiang, Juara 2 : SDN Cijati, sarta Juara 3 : SDN 2 Sinargalih. *** Anto Sukanto.

                            

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: