WARTA ATIKAN - SDN SUKADAMI - NARGETKEUN BULU TANGKIS jeung QASIDAH

SDN SUKADAMI :

MAPAG GEBYAR KRÉATIFIAS SISWA

NARGETKEUN BULU TANGKIS jeung QASIDAH

Kepala SDN Sukadami, Bunyamin, S.Pd

WANAYASA – Warta Sunda Onliné,

S

DN Sukadami Kecamatan Wanayasa, Kabupatén Purwakarta, Jawa Barat. Dina raraga Mapag Gebyar Kréatifitas Siswa SD Sa-Wanayasa, ceuk Kepala SDN Sukadami, Bunyamin, S.Pd nalika tepung lawung jeung Warta Sunda Onliné di sakolana (21/1), pihakna rék nargetkeun medali 5 Emas, 5 Perak jeung 1 Perunggu. Luyu jeung kamampuhan barudak dina unjuk kabisa.

Malah mandar nu langkung anteb ditargetkeun téh dina widang Cabang Olah Raga Bulu Tangkis Putri nu jadi andelan keur mapag Olimpiade Olahraga Siswa Nasional (O2SN) sarta widang keagamaan Sapta Lomba PAI dina widang Qasidah. “dua widang éta nu janten target rengrengan juru atik SDN Sukdami sareng sim kuring,” pokna Kasek.

Dua widang éta téh, nitenan barudak nu tos katingal nyaéta rata-rata siswa kelas 5 diantarana Néng Marwah taun 2018 kamari mah Juara ka-2 Bulu Tangkis Putri. “Tah taun ayeuna mah, mugia tinekanan janten juara ka-1 di Tingkat Kecamatan Wanayasa, poma ka Tingkat Kabupatén mah,” pokna guru olahraga manten.   

Sedengkeun dina widang Qasidah ogé, sami taun kamari Juara-2, anapon kitu miharep Juara-1 Tingkat Kecamatan jeung Kabupatén taun ieu mah.

Sedengkeun ancer-ancer lomba Gebyar Kréatifitas Siswa SD Sa-Wanayasa dina ping 11, 12 jeung 13 Pébruari nu bakal datang nu baris lumangsung di Lapangan Babakan Kecamatan Wanayasa.

Kajaba ti éta, taun 2018 kamari mah SDDN Sukadami Juara ka-2 n ngawengku Juara Bulu Tangkis, Pantomim, Qasidah, Seni Tari Daérah.

Inyana, ngarumaoskeun yén nu janten bangbaluh pikeun ngahontal pikeun préstasi ka Tingkat Nasional téh. “Kulantaran teu ayana pelatih nu husus. Tapi mun seug aya, tangtu tiasa ngukir préstasi ka Tingkat Provinsi jeung Nasional,” pokna Bunyamin bari mungkas wangkongan.***

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: