WARTA TI KIARAPEDES

Sangkan Pileg Pilpres Aman

Panwaslu Kiarapedes

Nerapkeun Aturan KPU

Warta Sunda Online,

Dina raraga ngaronjatkeun ketak Panitia Pengawas  Pemilihan Umum (Panwalu), hususon di wilayah Kecamatan Kiarapedes Kabupatén Purwakarta, sawatara katukang ngahadiran Undangan Rapat Pleno nu ngabahas ngeunaan Tahapan Pemilihan Umum Tahun 2019 ayeuna rék kana Tahapan Pencermatan Daftar Pemilih Tetap Hasil Perbaikan Kedua (DPTHP-2) Pasca Rekomendasi Bawaslu pada Pemilihan Umum Tahun 2019.

Kagiatan éta téh ditepikeun deui ka anggota katut setapna pikeun monitoring pendataan Pemilih. “Éta minangka tarekah geusan pembinaan kagiatan pengawas Pemilu 2019, kaasup PPL di tingkat désa. Satekah polah sosialisasi malar sakumna rengrengan Panwascam téh enya-enya paham kana aturan luyu jeung katetapan KPU Kabupatén Purwakarta,” Ceuk Ketua Panwaslu Kecamatan Kiarapedes, RD. Deden Ipan Sulaéman, ka WSO di Sekretariat Panwascam Kiarapedes sabada tadi siang rapat pleno di Hotel Harper Bungursari(10/12).

Kalawan remis manéhna dibarengan dua anggota jeung setap Panwascam naon nu ditepikeun tadi téh, dipiharep tiasa faham.

Ceuk RD. Deden Ipan Sulaéman salaku Divisi Pencegahan & Hubungan Antar Lembaga (Hubal), kalintang penting ngagedurkeun sosialisai rupaning program nu patalina jeung Pemilu 2019. Sangkan Pemilu 2019 lumangsung tartib, aman, tur lancar.

“Kuring miharep, kagiatan sosialisasi nu samodel kitu téh bisa lumangsung noron, ngarah kasakumna unsur masarakat. Taya deui tujuannana mah sangkan Pemilu 2019 lumangsung sukses, aman tur lancar, luyu jeung aturan,” pokna.

Lian ti éta, ceuk Acéng Koswara (Divisi Organisasi & SDM), pihakna umajak hususna organisasi nu aya di Kiarapedes babarengan milu nyukseskeun Pileg, Pilpres 2019.*** Anto

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: