FIKMIN BASA SUNDA : Kalangsu
fikmin
Poto ilustrasi tina internet.*
KALANGSU
Ku : Lely Moelyati
Lagu magrib, kolek geus diparinkeun kana mangkok. Keuheul, bet aya waé sireum, teu kaop nimu nu amis.
Kulutrak panto muka, kadéngé léngkah suku nu maké selop, kuku suku nu teu weléh dikiték hideung. Reuwas, geuning Tanteu Siska mani nyusulan wayah kieu. Awéwé nu haténa badis iblis, salila ieu teu weléh ngangganggu katengtreman rumah tangga.
Masalah ékonomi nu jadi mimitina. Salaki ukur tukang bajidor, ditanggap kakapeungan. Kuring mantuan usaha, ngiriditkeun simbut. Hirup miyuni bajing, jleng ka ditu-jleng ka dieu, demi ngeusian koropak nu teu pinuh-pinuh.
"Asih, mana salaki manéh, peuting ieu montong baha siga kamari, bongan saha geus nyatujuan sakabéh perjangjian di luhur materei!"
Teu werat némbalan. Si Bungsu ngelol, ngasongkeun piring sangu.
Alas budak karagragan keclak cimata.
Enya, Kang Surahman geus lima bulan ieu jadi piaraan Si Tanteu. Lir néon nu bisa nyaangan kamar manéhna, ulah ngejat salila Om Winto salakina dibui di Nusakambangan.***
KALANGSU
Ku : Lely Moelyati
Lagu magrib, kolek geus diparinkeun kana mangkok. Keuheul, bet aya waé sireum, teu kaop nimu nu amis.
Kulutrak panto muka, kadéngé léngkah suku nu maké selop, kuku suku nu teu weléh dikiték hideung. Reuwas, geuning Tanteu Siska mani nyusulan wayah kieu. Awéwé nu haténa badis iblis, salila ieu teu weléh ngangganggu katengtreman rumah tangga.
Masalah ékonomi nu jadi mimitina. Salaki ukur tukang bajidor, ditanggap kakapeungan. Kuring mantuan usaha, ngiriditkeun simbut. Hirup miyuni bajing, jleng ka ditu-jleng ka dieu, demi ngeusian koropak nu teu pinuh-pinuh.
"Asih, mana salaki manéh, peuting ieu montong baha siga kamari, bongan saha geus nyatujuan sakabéh perjangjian di luhur materei!"
Teu werat némbalan. Si Bungsu ngelol, ngasongkeun piring sangu.
Alas budak karagragan keclak cimata.
Enya, Kang Surahman geus lima bulan ieu jadi piaraan Si Tanteu. Lir néon nu bisa nyaangan kamar manéhna, ulah ngejat salila Om Winto salakina dibui di Nusakambangan.***
0 Response to "FIKMIN BASA SUNDA : Kalangsu"
Posting Komentar