Kandaga Budaya Sunda : "NGABUMI" Di Pulo Majeti
Kandaga Budaya Sunda
"NGABUMI" Di Pulo Majeti
|
D |
ina raraga ngarumat budaya
tradisi jeung miéling bulan Muharram, Kasepuhan Pulo Majeti.
Ngayakeun tradisi "NGA-BUMI" atawa hajat bumi, waktuna dina tiap awal bulan ping 7 Muharram. Kaleresan ayeuna
mah tempatna di Situs Pulo
Majeti, wewengkon Dusun
Siluman RT.38/RW.18, Kelurahan
Purwaharja, Kecamatan
Purwaharja, Kota
Banjar.
Dina kagiatan éta aya sababaraha upacara nu dipagelarkeu saperti diantarana Mipit (Ngala
Paré), Kirab Tumpeng, Tawasulan, Abring-abringan Jamasan (Ngumbah Pusaka) Tujuh Pusaka
Majeti, Siraman Tujuh Cai Kahuripan, Dongdang Tujuh, sarta Sawala. Para
pamilon ieu téh maké pakéan sarwa hideng nu jadi has adat urang Sunda.
Tujuan diayakeun kagiatan nu saperti kitu téh, pikeun ngawanohkeun budaya situs sejarah nu aya di wewengkon Kota Banjar hususna paranonoman
pikeun leuwih mikacinta kana budayana pon kitu deui generasi milenia kahareupna emut kana
budayana. Kitu ditetelakeun ku Walikota Banjar, H. Nana Suryana sawatara poé
katukang, (26/08/2020).
Acara "Ngabumi" ieu téh mangrupa tarékah jeung
patéah tur ngamumulé budaya Sunda ogé saniskara
budaya bangsa Indonésia, sangkan
terus mekar teu kageroh ku
jaman, sarta bisa mawa dampak
anu alus hususna
dina widang ekonomi pikeun masarakat sabudeureunna.
Lian ti éta, Situs Pulo Majeti harepn
kapayunna jadi icon cagar budaya Kota Banjar nu kakoncara ka awun-awun. Peupeujeuh ka para OPD, H. Nana, supaya ngajaga
Lain halna ceuk
salasaurang pengunjung nu milu aub kana ieu kagiatan, sebut waé, Dadang (39) warga
setempat, Inyana ngarasa reueus tur nyaksenan acara sataun sakali ieu, keur mah
di tempat acara éta, tatangkalan nu ratusan taun matak éndah tur asri. Komo nalika
ngong adan angin ngagelebug, tatangkalan aroyag dugika simkuring ngarasakeun bulu
punduk ray-rayan. Tapi basa rengsé adan, suasana normal deui.
Ungkara Dadang éta, diwaler ku Ketua Panatacalagara,
Dani Danial Muklis yén ayana kumandang adan éta téh ngondang sukma ngalewatan
jalur agama. Malah dipiharep tina suanten adan nalika hajat bumi tiasa leuwih
ningkatkeun kaimanan jeung katakwaan ka Alloh SWT.
“Hajat bumi ieu téh rotin tiap taun dipagelarkeun
tiap tanggal 7 Muharam. Dina taun 2020 M/1442 H ieu ngarupakeun taun ka-2
lumangsung,” pokna Dani.
Dina kasempetan éta ogé, Lurah Kelurahan
Purwaharja, Erik Kiwanto, miharep tina acara ngabumi ieu téh tiasa janten
mitembeyan muka panto budaya ogé ngamumulé seni budaya warisan karuhun
urang.***
Dodi B/Sri Endah
0 Response to "Kandaga Budaya Sunda : "NGABUMI" Di Pulo Majeti"
Posting Komentar