KANDAGA BUDAYA SUNDA : PGSD STKIP Purwakarta Magelarkeun Dramatari
PGSD STKIP
Purwakarta
Magelarkeun
Dramatari
Keterangan Poto : Pintonan Pagelaran Dramatari Tradisional PGSD STKIP Purwakarta
dina Koran Galura, Nomer : 11 Taun ka-5, Edisi : II Agustus 2019 Kaca-11 Rubrik Milangkori.*
Purwakarta – Warta Sunda Onliné,
P
|
GSD Sekolah Tinggi Keguruan
dan Ilmu Pendidikan STKIP Purwakarta dina raraga ngamumulé kaulinan barudak di era
globalisasi ngayakeun pagelaran dramatari tradisional kolaborasi eklusif jeung live
gamelan Sunda poé Juma’ah, (19/7) di Kampus
PGSD STKIP Purwakarta.
Éta
kagiatan téh minangka kagiatan rutin UAS smester 6 mahasiswa di program Studi
Pendidikan Guru Sekolah Dasar (PGSD) STKIP angkatan ka-23. Salian ti keur sarat
tugas UAS mata kuliah Pendidikan Seni Drama Tari keur para mahasiswa,
mintonkeun dramatari tradisional téh udaganana pikeun ngamumulé kaulinan budak
lembur nu hampir tumpur. Komo deui ayeuna mahabuna gadget nu jadi cocooan barudak
ti mimiti umur 2 taun nepika ka barudak SD.
“Pintonan
éta téh dina raraga uar pangajak ka barudak sangkan tong poho kana tradisi
baheula anu gaduh ajén-inajén linuhung, Kaulinan lembur nu kedah dimumulé,”
ceuk Wiwin Winarti, Ketua Panatacalagara ka Warta
Sunda Onliné di lokasi acara.
Lain deui
ceuk Kepala SDN 2 Kembang Kuning, Lilis Nurjanah, M.Pd, inyana kataji ku
pintonan pagelaran dramatari tradisional nu ngaguar ngeunaan ngamumulé kaulinan
barudak lembur baheula. Dina pintonan éta téh aya élmu sok sanajan bari jeung dibungkus
heureuy, tapi barudak tiasa ngartos, sapertos pintonan oray-orayan,
cingciripit, caca-brangé, tokécang jeung endog-endogan. Barudak ayeuna mah moal
apaleun,” pokna.
Ku kituna,
inyana ngajak 15 urang perwakilan siswana nu ngawengku kelas 4, 5 jeung 6 katut
5 urang guru. Cara kitu cenah bisa jadi cukang lantaran barudak micinta banda
budayana.*** Anto S
