Gebyar Kakmpakan Sukatani Magelarkeun Lomba Kreatifitas Siswa

SUKATANI NARGETKEUN

BULU TANGKIS JEUNG KIDS ATLETIK

SUKATANI – Warta Sunda Onliné,

G

EBYAR kakompakan saniskara kagiatan di Sukatani, teu leupas tina partisipasi staké holdér. Dina hal ieu mah, pihak nu bisa ngahijikeun antara Kepala Sekolah, Guru, katut Anak Didik tur Orang Tua Siswa kalebet pedagang téh. Iwal ti Ketua K3S Kecamatan. Luyu sareng kapentingan sewang-sewangan. Ieu téh ku alpukahna pihak Kelompok Kerja Kelapa Sekolah (K3S), Kelopok Kerja Guru (KKG) sareng pihak UPTD Pendidikan nu gaduh wilayah teritorial di wewengkon kecamatan. Sok sanajan keberadaan UPTD Pendidikan Kecamatan ngan ukur ngitung poéan deui

Kajaba ti éta, kagiatan Gebyar Kréatifitas Siswa SD Sukatani ieu téh dina raraga ningkatkeun pembinaan jeung pengembangan olahraga, pengetahuan, seni jeung agama di sakola.

Ku kituna, di Kecamatan Sukatani pihak panatacalagara kagiatan Gebyar Kréatifitas Siswa SD Sukatani magelarkeun saniskara kagiatan luyu sareng téma : Lomba Kréatifitas Siswa SD Sukatani.  Para pamilon nu diilukeun téh ti 31 Sekolah Dasar sa-Kecamatan Sukatani nu ngawengku saniskara kagiatan saperti basa acara Pembukaan Kreatifitas Siswa SD Sukatani nu langsung dibuka ku Kepala UPTD Pendidikan Kecamatan Sukatani, Hasanudin, S.Pd, M.Pd.

Dina biantarana  Kepala UPTD Pendidikan Kecamatan Sukatani, Hasanudin, S.Pd, M.Pd., negeskeun yén kagiatan nu saperti kitu téh, inyana ngarasa reueus nepika bisa lumangsung. “Malah mandar dina sambutanna ngabejerbéaskeun uar pangajakna ka para pamilon ngeunaan préstasi nu disangking dina widang olahraga saperti contona dina Maén Bal, Yadi Mulyadi budak angon ti lembur nu geus ka koncara nepika mancanagara ngaliwatan club sepak bola ASAD 313,” pokna.

Harepan Ka UPTD, “Mugia barudak di Sukatani téh bisa ngukir préstasi tina sagala widang, poma ayeuna nu dilombakeun téh hiji diantarana tiasa nyongcolang ka tingkat Kabupatén, Provinsi tur tingkat Nasional, jungjung sportifitas dina lomba”.

Dina kasempetan éta ogé, Ketua Panatacalaga Kagiatan Gebyar Kréatifitas Siswa SD Sukatani Drs. Oos Kosasih basa diwawancaraan ku Warta Sunda Onliné, negeskeun yén nu jadi target di Kecamatan Sukatani téh nargetkeun Bulu Tangkis jeung Kids Atletik. Lantaran geus jadi langganan dina tiap kagiatan nu saperti kitu téh. Malahan sataun deui ieu, widang olahraga Bulu Tangkis nu ditargetkeun. “Pédah, budak nu préstasi dina Bulu Tangkis ieu masih aya kénéh kasempetan keur tandang, taun payun mah geus ngalewatan umur,” pokna.

Sedengkeun cabor Kids Atletik éta ogé, geus biasa langganan Sukatani sok jadi pinunjulna waé. “Mudah-mudahan nu jadi target éta téh tiasa kahontal alias tinekanan, nyuhun pidu’ana ka sakumna pamaos media onliné hususna Warta Suna Onliné,” pona Pa Oos Kosasih.

 Lain deui nu kasauran Wakil Ketua Panatacalaga Kagiatan, Asép Saépudin, S.Pd nu harita macakeun lapiran panitia dipayuneun pamilon tur tamu ondangan, yén saniskara kagiatan ieu téh lumangsung ti tanggal 8 Januari – 10 Januari 2019 kajeda waktosna diteraskeun tanggal 15 Januari 2019 nepika acara penutupan.

Sedengkeun tempat lombana Pembukaan di Lapang SDN 4 Sukatani, SDN 1 Sukatani jeung Gor PGRI/UPTD Pendidikan Sukatani. Lomb-lomba nu dilombakeun téh ngawengku diantarana Olimpiade Olahraga Siswa Nasional (O2SN), Olimpiadé Sains Nasional (OSN), Olahraga Tradisional (OLTRAD), Festival dan Lomba Seni Siswa Nasional (FLS2N), Festival dan Lomba Literasi Nasional (FL2N), membaCa menuLis & berhiTung (Calistung), jeung Sirung Sunda Pinilih sarta Sapta Lomba PAI  satatar Kacamatan Sukatani.

Nurutkeun data yén Gebyar Kréatifitas Siswa SD Sukatani minangka taun ayeuna pang rohakana, lantaran lomba-lomba na nambihan deui sapertos ayana Festival dan Lomba Literasi Nasional (FL2N). Pon itu deui jumlah pamilon ti 31 SD, jumlah juri jeung wasit 116 urang. Acara dihadiran ti Para Kepala Sekolah sa-tatar Sukatani, Pengawas tur Penilik sarta orang tuas siswa.*** Anto Sukanto

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: