DISKUSI SASTRA LBSS KA-1 - "Sastra dina Média Sunda"
DISKUSI SASTRA LBSS KA-1
"Sastra dina Média Sunda"
BANDUNG - Warta Sunda Onliné
|
M
|
édia Sunda nu dimaksud
téh nyaéta kalawarta nu ngagunakeun basa Sunda, anu jumlahna teu pati réa. Ari
kahananana mah geus lila aya di lingkungan masarakat Sunda, siga majalah Manglé
jeung koran Galura. Lian ti jadi média informasi, média Sunda ogé milu ngahirupkeun
karya sastra. Geus kabuktian deuih yén éta karya sastra téh dipikaresep ku nu
maca minangka panglipur sarta milu nyumbang kana kabeungharan hasanah
kasusastraan Sunda modérn. Keur média Sunda, karya sastra téh ogé jadi pélét
keur narik nu langganan.
Cindekna, karya sastra téh di média Sunda mah jadi mustika. Tapi kiwari
dina jaman nu sarwa digital, naha karya sastra di média Sunda téh masih
dipaliré, jadi panglipur, atawa dianggap penting kénéh kalungguhanana? Sok komo
apan karéréanana média Sunda téh napak kénéh dina tradisi konvésional (citak).
Ku kituna jadi penting pikeun urang mikanyaho kumaha kawijakan rédaksi dina
merenahkeun karya sastra di médiana masing-masing. Pamungkas, kumaha saéstuna
kalungguhan sastra dina média Sunda?
Pikeun medar éta pasualan, Lembaga Basa jeung Sastra Sunda (LBSS)
ngaliwatan Widang Sastra rukun gawé jeung Pusat Studi Budaya Sunda Universitas
Padjadjaran (PSBS Unpad) seja ngagelar diskusi kalayan jejer "Sastra dina
Média Sunda".
Ka sugri anu kataji, sumangga sumping waé dina waktosna. Informasi
lengkepna mangga uningaan dina poster. Haratis.
Hatur nuhun.
0 Response to "DISKUSI SASTRA LBSS KA-1 - "Sastra dina Média Sunda" "
Posting Komentar