WARTA TI BIDOR

Ceuk Drs. Iwan Kartiwan, MM :

Wadah PASI Rék Dihudangkeun Deui
Warta Sunda Online,

PERSATUAN Atletik Seluruh Indonésia (PASI) sempet pakeum nilik tina kaayaan di Purwakarta keur bebenah. Ku kituna antara taun 2018/2019 ieu mah PASI rék dihudangkeun deui.

Kiwari keur diusulkeun ka Pengrpov PASI Jawa Barat, yén PASI di Purwakarta rék dibentuk. Malah picaloneun pangurusna geus dipersiapkeun. Kitu ceuk Kepala Bidang Olahraga, Disporaparbud Kabupatén Purwakarta, Drs. Iwan Kartiwan, MM basa ngawangkong jeung Warta Sunda Online dirohangan gawéna (6/11).

Sedengkeun Pencab PASI Kabupatén Purwakarta rék diusulkeun jeung direkomendasian ti Koni Kabupatén Purwakarta ka Pengvrop PASI Jawa Barat, ngaran-ngaran pangurusna Pencab PASI Kabupatén Purwakarta ngawengku diantarana calon Ketua : Heri Wijaya, S.Pd (Kepala SMPN 1 Purwakarta), sarta Sekretaris : Eko (ti SMPN 3 Purwakarta).

Tujuan ajuannana pikeun Purwakarta dina widang olahraga Atletik langkung anteb deui tur tiasa mibanda préstasi keur ngamajukeun Purwakarta hususna para nonoman nu resep kana atletik, upami aya wadahna langkung ka inventaris saha-saha pibakateun atawa pidutaeun kanggo tandang.

Ngeunaan lainna, Iwan (Ketua Manten PASI taun 2008) ngajelaskeun yén ayana Bina Sentra Atletik nu dipuseurkeun di dua

kecamatan nyaéta Kecamatan Kiarapedes di SMPN 1 Kiarapedes guru pembimbingna Lilis Siti Holimah S.Pd, sarta Kecamatan Campaka di SMPN 1 Campaka pembina Atletikna Aang, S.Pd, pihakna teu aya pakuat-pakait, tapi ngan ukur ngabina. Soalna éta mah urusan Provinsi Jawa Barat nu langkung kompeten. Poma dina ihwl anggaran jeung administrasi pihak Bina Sentra Atletik laporanna mah ka provinsi.

 Lain deui ceuk Lilis Siti Holimah, S.Pd, inyana ngajelaskeun yén potensi barudak di unggal sakola katingal tos saé, ku kituna kudu aya pembinaan anu rutin pikeun cabor atletik.*** Anto

Keterangan Poto : 1. Drs. Iwan Kartiwan, MM (Kabid Pora Disporaparbud Kabupatén Purwakarta, sarta 2. Lilis Siti Holimah, S.Pd (Guru Pembina Atletik)

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: