ESSEY : Riak-Riak Sukasari Titisan Kuta Tandingan
Riak-Riak
Sukasari
Titisan
Kuta Tandingan
KOLOT-kolot
baheula di Kabupatén Purwakarta, Karawang jeung Kabupatén Cianjur nalika
nyaritakeun ka anak incuna yén kecap Kuta Tandingan téh tina kecap Kota nu teu
aya tandingannana sa-alam jagat. Pon kitu deui mun Kuta Tandingan jadi ngadeg,
tangtu Kota Jakarta rék tilem. Tapi ét mah ngan ukur carita kolot tibaheula
nepika ayeuna.
Kajaba ti éta,
yén Kuta Tandingan téh ngarupakeun leuweung titingal Karajaan Pajajaran nu
keuna bencana alam nu maha dahsat. Di wewengkon Karawang, Purwakarta jeung
Cianjur téh loba pisan tempat-tempat situs titingal Kerajaan Pajajaran nu
harita dianggap masih kénéh mistis, tibatan hasil panalungtikan. Malah jadi
daya tarik ti sakabéh elemen pikeun leuwih apal kana situs. Nurutkeun data ti
Dinas Kebudayaan dan Pariwisata (Disbudpar) Karawang, Purwakarta katut Cianjur,
ayana situs Kuta Tandingan can dipalire. Tapi ayeuna mah geus katingali tarékah
jeung patéahna dina ngamangpaatkeun sumber daya alam disabudeureun lembur
antara Kabupatén Karawang, Purwakarta jeung Cianjur. Lantaran tilu kabupatén
éta masih aya pakuat-pakait dulur sakocoran, baraya saeubrayan.
Sedengkeun
nurutkeun Encum Nurhiayat yén lian ti carita mistina, Kuta Tandingan téh kiwari
keur dititen ku Disbudpar Karawang. Kulantaran Kuta Tandingan ngarupakeun
titingal karajaan leutik tina kakawasaan Raja Pajajaran nu disebat erajaan Kuta
Tandingan Jaya nu harita dikawasaan ku Kertabumi III jeung dibantu ku patih
Purnakut jeung Patih Mangkubumi sarta Panasihat Jaksa Imbang Kencana.
Dina mangsa
runtagna Pajajaran (1579 M) Kuta Tandingan Jaya leupas ti Pajajaran nu langsung
aya dina kakawasaam tentara Kesultann Banten nu dipingpin ku Syech Maulana
Yusup nilik ti taun 1626 daérah Udug-udug dijhadikeun mrkas tentara Kesultanan
Banten nu dipupuhuan ku Pager Gunung atawa Pangéran Puger. Kajaba kitu
Udug-udug strategis tina lalu lintas perahu di Sungai Citarum pikeun makalangan
jeung Sumedang Larang (Prabu Geusan Ulun) jeung Kerajaan Mataram nu dipingpin
Sultan Agung.
Nitenan Kuta
Tandingan lain saukur warisan ti zaman baheula, tapi ayeuna geus mucunghul
saperti halna di wewengkon Kecamatan Sukasari, Kabupatén Purwakarta jadi obyek
wisata nu éndah tur asri. Keur mah can terkontaminasi ku pangaruh
sarupaning pabrik.
Sedengkeun situs
Kuta Tandingan nu aya di aréa Perhutani 3 Jawa Barat dan Banten, KPH Purwakarta
Asper Telukjambe aya di wewengkon gunung Sanggabuana nepika manjang ti Karawang
nepika Purwakarta. Situs Kuta Tandingan téh ngawengku tujuh kuta nu diantarana:
Kuta Kulambu, Kuta Pohaci, Kuta Masigit, Kuta Meriam, Kuta Jati, Kuta Barang,
jeung Kuta Gombong.
Banda
titinggalan prasejarah, diantarana batu bergerek vertikal sarta horizontal,
batu ampar, sumur tujuh jeung petilasan Pangéran Jaya Sampurna, salah saurang
pengikut Prabu Siliwangi. Kajaba ti éta, Kuta Tandingan ngarupakeun tempat
ibukota kerajaan Tarumanegara jeung Pajajaran. Pon kitu deui para ahli sejarah
ku ayana carita éta téh masih perlu ngayakeun penelitian nu leuwih lanjut.
Nitenan kaayaan
di Kabupatén Purwakarta hususna di Kecamatan Sukasari yén ngaran Kuta Tandingan
téh, ceuk kolot baheula, dina paribasa Sunda “sadurung winara”. Numutkeun
obrolan sapopoé kolot harita yén kaayaan Kuta Tandingan bakal jadi Ibu Kota
Negara (Indonésia). Ayeuna geus katingal riak-riakna. Saperti halna tina urusan
patalimarga.
Lima puluh taun
kaayaan katukang Sukasari kasebutna daérah terisolir sa Purwakarta mah. Keur
urusan patalimarga can dipaliré ku pamaréntah. Malah mandar nepika diwangun
tilu jembatan nu ngahubungkeun antara lembur. Tilu jembatan éta téh diantarana
Jembatan Cikanjayan, Jembatan Sukasari jeung Jembatan Ciririp.
Dina hal ieu mah
ayeuna geus katingali yén kaayaan Sukasari nu aya dina lingkup Kuta Tandingan
tina pangwangunan dua periodeu Bupati Purwakarta mingpin téh, patalimargana
jalan leucir. Ngan tangtos can nepika unggal lembur jalan leucir téh.*** Anto
0 Response to "ESSEY : Riak-Riak Sukasari Titisan Kuta Tandingan"
Posting Komentar