Siksa Kanda Ng karesian - Bagean ka 1

Siksa Kanda Ng karesian 

( ᮞᮀᮠᮡᮀ ᮞᮤᮊ᮪ᮞ ᮊᮔ᮪ᮓ ᮍ᮪ ᮊᮛᮨᮞᮤᮃᮔ᮪) 

Bagean ka 1

Siksa Kanda Ng karesian

Naskah Sanghyang Siksakandang Karesian 

Naskah Sanghyang Siksakandang Karesian diserat  Dina taun 1518 M,  ngagunakeun aksara sareng basa Sunda kuno Kiwari disimpen di perpustakaan nasional  ( Kropak 630.)

 Naskah ieu mangrupakeun Salah sahiji naskah Sunda kuna titinggal Karajaan Sunda Galuh Anu eusina ngenaan  Aturan2 hirup pikeun Urang Sunda Di Jaman karajaan Sunda Galuh jeung Pajajaran ( Kundangeun Urang Rea ) :  

Eusina :

1. Ndah nihan warahakna sang sadu, de sang mamet hayu. Hana sanghyang siksakandang karesian ngaranya, kayatnakna wong sakabeh. Nihan ujar sang sadu ngagelarkeun sanghyang siksakandang karesian. (ieu nu dek  diajarkeun  Ku  sang budiman pikeun maranehna  Anu  neangan kabagjaan.

( aya (ajaran) Anu  ngarana sanghiyang siksakandang karesian pikeun cekelan Urang kabeh . ieu ceuk sang Budiman ngajentrekeun  sanghiyang siksakandang karesian.)

Ini sanghyang dasa kreta kundangeun urang reya. Asing nu dek na(n)jeurkeun sasana kreta pakeuneun heubeul hirup, heubeul nyewa na, jadiyan  kuras. jadiyan tahun, deugdeug ta(n)jeur jaya prang, Nyewana na urang reya. 

(ieu sanghiyang dasa kreta pikeun cekeleun urang kabeh. Sing saha anu dek  nanjeurkeun sasana kasajahteraan supaya bisa lila hirup,  (di dunya). Junun dina iinguan junun dina tatani unggul dina prang, sumberna Aya dina jalma rea .)

Catetan :

Dasa kreta =10 kasejahteraan nyaeta  kasejahteraan anu kacekel kulantaran  kamampuan ngajaga 10 sumber nafsu.

Ini byakta sanghyang dasa kreta ngaranya, kalangkang dasa sila, maya-maya sanghyang dasa marga, kapretyaksaan dasa indriya na-keun ngretakeun bumi lamba di bumi tan parek. 

(Ieu nyatana anu disebut sanghiyang dasa kreta. Bayang-bayang dasa sila, maya-maya sanghiyang dasa marga, diwujudkeun tina dasa indera pikeun nyajahterakeun dunya kahirupan di dunya anu lega .)

Catetan :

Maya-maya : bayang-bayang anu samar.

Tan parek : sabenarna Hartina : teu  deukeut, jauh.

Ini pakeun urang ngretakeun bumi lamba, caang jalan, panjang tajur, paka pridana, linyih pipir, caang buruan. Anggeus ma imah kaeusi, leuit kaeusi, paranje kaeusi, huma kaomean, sadapan karaksa, palana ta hurip, sowe waras, nyewana sama wong (sa)rat. Sangkilang di lamba, trena taru lata galuma, hejo lembok tumuwuh sarba pala wo(h)wohan, dadi na hujan, landung tahun, tumuwuh daek, maka hurip na urang reya. Inya eta sanghyang sasana kreta di lamba nga-rana.

(Ieu (jalan) pikeun urang nyejahterakeun  dunya kahirupan, bersih jalan, subur pepelakan, cukup pakean, bersih buruan tukang, ber­sih buruan imah. Lamun hasil imah kaeusian, lumbung kaeusian. kandang hayam kaeusian, kebon kaurus , sadapen kapihara, Lila hirup . Tetep  walagri. sumberna aya di manusa sadunya. Sakabeh anu ngadukung Kahirupan ; jukut, tatangkalan, anu ngarambat. Pepelakan, hejo su­bur hirupna sagala macem buah-buahan, loba hujan, tatangkalan jarangkung kulantaran  subur hirupna, mere Kahirupan  ka loba  jalma . Nya eta  (sanghiyang) sarana kasajahteraan Dina Kahirupan ngarana.)

Catetan :

Paka pridana : asaln tina  : paka = ngabogaan Jeung paridhana = anggoan

Sowe : hartina lami/lila.

Ini sanghyang dasa kreta nu dipajarkeun kalangkang sanghyang dasa sila, ya maya-maya sanghyang dasa marga ta, kapretyaksaan na dasa indriya. Ini byakta: ceuli ulah barang denge mo ma nu sieup didenge kenana dora bancana, sangkan urang nemu mala na iunas papa naraka; hengan lamun kapahayu ma sinengguh utama ti pang-reungou. Mata ulah barang deuleu mo ma nu sieup dideuleu kenana dora bancana, sangkan urang nemu mala na lunas papa naraka; he­ngan lamun kapahayu ma sinengguh utama ning deuleu. Kuril ulah dipake gulang-gasehan, ku panas ku tiis, kenana dora bancana, sang­kan nemu mala na Iunas papa naraka; hengan lamunna kapahayu ma sinengguh utama bijilna ti kulit. Letah ulah salah nu dirasakeun ke­nana dora bancana, sangkan urang nemu mala na lunas papa naraka; hengan lamunna kapahayu ma sinengguh tuama bijilna ti letah. Irung ulah salah ambeu kenana dora bancana. sangkan urang nemu mala na lunas papa. 

Hartina : 

(Ieu sanghiyang dasa kreta anu disebutkeun salaku bayang-bayang sanghiyang dasa sila, nya maya-maya sanghiyang dasa marga. Diwujudkeun tina dasa indera. Ieu nyatana ceuli ulah dipake ngadengekeun   anu teu pantes didengekeun  kulantaran bisa  ngajadikeun  panto bancana, anu nyababkeun urang meunang kacilakaan  di handapeun  kanistaan naraka; tapi lamun  ceuli kapihara, urang dek menangkeun  kautamaan Dina dedengean . 

Mata ulah  sambarangan ninggali anu teu pantes ditinggali    kulantaran ngajadikeun  panton bancana, anu nyababkeun urang meunang kacilakaan  cilaka di handapeun kanistaan naraka; tapi lamu  Panin kapiara , urang bakal meunangkeun    kautamaan Dina titinggalian .

 Kulit ulah dihariwangkeun  kulantaran panas atawa ti'is sabab ngajadikeun panto   bancana, anu nyababkeun urang meunang  kacilakaan   di handapeun kanistaan naraka; tapi lamun  kulit kapiara, urang bakal meunangkeun  kautamaan anu 

asalna Tina kulit. Letah ulah  salah kecap kulantaran  jadi  lawang bancana, anu nyababkeun urg meunang  cilaka di handapeun  kanistaan naraka; tapi lamun letah kapiara, urang bakal  meunangkeun kautamaan anu  asalna tina letah. Irung ulah   salah ngambuan kulantaran jadi lawangna   bancana anu nyababkeun urang  meunang kacilaka ti dasar kanistaan)

Hanca

REDAKTUR : Kiwarta

Sudah saatnya bangkit dari keterpurukan...

Subscribe to receive free email updates: